今朝番學考試，真係超低能，佢地一個二個都著見ｓｈｉｒｔ係入邊，話放學去踼波．．．．．．．今日第一堂考英作，唔駛４個字就作哂１８０字，不過我冇再加落去，呆坐４５分鐘。跟住就考傳說中既歷史，估唔到佢會出咁深．．．．．．好多都唔識∼．∼
　　放左學之後，我找番ｄ短袖衫就去踼波。我落到去７人場，遠遠見到一班人，睇落去一ｄ都唔似佢地，跟住佢地叫我我先知原來真係佢地，十分之不可思意．．．．．．點知有一班人去左食ｍ，所以我地就同另一班人踢。人地唔知有幾多個女仔啦，其中一個遠睇落去，長頭髮都好似唔錯咁，但係近睇就差小小啦．．．．．．
　　之後一班人訂左場，於是我地去左５人場，去到個度得自己友踢，就笑料百出啦∼例如３４坤既７頭攻勢入左網啦∼３４坤同３０００年死屍係場中間係度玩，仲用個背隻頂波，比佢地吹ｑ漲。不過有ｄ人都幾獨食，有ｄ唔開心，唔知我地班際點算，之後有其他人黎踢，我同衛都好累所以就走先。
　　唉∼又要溫書啦∼今日收筆於此。