今日一早起身約左係樓下度等，明明約左８點，佢地駛唔駛早成咁呀。次後就去食早餐啦∼食完番天耀搭的士，點知遇到謝恩培，佢自己約左人食早餐，所以我地就自己去先啦∼班仆街局我坐前面，搞到我勁無奈，佢地自己又要係度傾計喎，正仆街∼∼
　　到左之後，原來我地係差不多最早到（係自己班），跟住謝個一行人都黎左啦，仲有一班女仔係冇耐之後黎左，我一共打左２場，第一埸對３ｃ，ｗｉｎ左１比０，好開心呀，第二場打４ａ１，冇我份，敗２比０∼．∼第三場係打季軍戰，對宿敵３ｅ，蜜蜂比人地飛身一下批過黎，仲批到仆街，不過佢竟然冇事，仲可以再打落去，勁∼！我打左前半場就比無能輝替我，我一出黎就入左，我大叫一聲正仆街，點解我一早黎就入嫁∼．∼跟住人地勁攻過黎，有一次人地頭鎚頂過黎竟然中橫眉，再落地，剛剛到底線，之後又彈起，好左蜜蜂收番個波，如果唔係就會比人追番平∼．∼最後都冇事得到季軍。
　　跟住我都去食野，不過我唔餓就番黎先，武者同沙漠都同我一齊。我地踢左陣波，武者就上左我屋企打機，我地係度打三國無雙，之後忠突然打左個電話上黎，謝俊忠都一齊上黎打ｇｕｎｄｏｍ，蜜蜂好撚勁，竟然打敗了武者，我都差ｄ打敗比佢，一直到７點，佢地先走。