今日好早起身溫聖經，溫左冇耐就識啦∼∼我番到學校之後上中文堂，我地要做中文評估，我都冇溫過，唉∼∼不過今次真係好容易，冇溫過都做到。落左堂之後，我地要上禮堂，木蘭花一個箭步衝左上去，話佢自己係先頭部隊，點知上面有人考緊試，唔駛上，於是我地就番番課室啦∼∼跟住ｍｉｓｓ話要傾下愛心大達地要做ｄ咩，我地選左整野食，有朱古力，麥芽糖餅同埋茶葉蛋，好期待∼∼跟住我有ｄ餓就同武者去食野，我去個廁所先落去，叫佢排住隊先，點知佢買左先唔等我，我只好買盒奶飲就算。午膳個陣，因為武者貼左波子既日記上班網，所以其他同學都係度講佢，真係慘∼∼我都唔明佢既日記係公開點解唔可以比人睇，而且佢都冇ｌｏｃｋ度密特碼，真係好笑∼∼∼上英文堂個陣我地組玩砌字遊戲，我全都係ｇｏ同ｂｅ，果然冇錯，我真係全組最低分既，哈哈哈∼番到課室之後，個個都有既ｗｓ竟然我冇喎，仲要係聽日交，我放學就搵ｍｉｓｓ，點知佢唔知去左邊，我只好起定搞先啦∼冇計呀，好啦∼今日收筆於此∼！