其實基本上我已經將利賓納當左做酒黎飲 ...
好頹好累 . . .
今日唔洗番學 ,
明明林住plan黎溫書 ,
不過都預左得個講字架啦 !
成日就係曬左黎打機 ...
話說都好耐無打 ,
宜家打番又上上地癮 ...
OMG ...

我成日都覺得點解D人既蠢走去吸毒 .
宜家我終於開始明白點解會有人既蠢吸毒 ...
但係我一定唔會 ,
只不過係有D明白佢地選擇吸毒之前既感受.
可能有D失落 , 失望 ,唔開心 , 又或者好似我咁 ,
好頹 .
唔知點解 , 我覺得自己成個人好似散曬咁 ...
又唔係攰 , 但係好散好散 ...
個人本身就懶 , 所以搞到今日更加唔知做過D咩 ...

其實上圖我係林住抄低醉翁亭記既3,4段背既 ,
但係到左沖完涼就好自然咁無左會事 .
今日真係可以用無所事事呢形容我 ...

我唔知到底會頹到幾時 ...
不過希望唔好太耐啦 .
會死人架 ...
講講下林起中史老師講過既 " 停損點 "
頹幾日都無問題 , 最緊要識停 .
唔好比佢一直頹落去 .
( 我記得哥陣Miss係用失戀做例子架 )

但係其實我好想一直頹落去 ,
咩都唔理咩都唔做 ,
可以一直頹同HEA , 其實係一種福氣 .
不過都好似無時間比我頹同HEA ...
下個星期大把野等住我做 .
Test , 一堆功課 , 一個project , 同埋一堆唔知要點處理既情緒 ...
好煩 .

其實如果人可以唔洗面對呢D煩惱 ,
人生可以會美好D都唔定 .
但係無左呢D野阻礙你 ,
你就唔會懂得面對 , 跨越佢 .
就永遠都無法成長 .

成長 : )