大家好!我終於尋日返左黎啦!

深圳間屋裝修得好靚呀!不過間屋好細...有個好細個露台!

屋企又細但係又要容納好多人..真係好逼!

又有我表姐,我表弟,我細佬,我三個表妹同埋我呀婆!

咁多人住係一齊真係好逼...我係深圳真係過得好辛苦呀!

我去左深圳都有一個禮拜多!但係足足有個禮拜係冇出個街!

係係返黎香港前三日去左歡樂谷玩....我去玩跳樓機個陣時..

我想臨陣退縮...但係我表姐又捉住我唔俾我走.....攪到我未上去個陣時..

人哋叫我[小姐你不要那麼激動]攪到好多人望住我!

落黎個陣時我喊住走!攪到哋話我驚就唔好玩!

之後我哋去左玩UFO...開始個陣時我係有D驚!但係後來..我就冇咁驚!

佢係一路轉一路左右兩邊搖..又刺激又好玩!

過左一日後..我哋夜晚去左唱K....我同表姐係唱左好多歌!

界其是呢首(愛死了昨天)我係唱得特別好!哈哈^^

不過我係深圳都唔係過得好開心.......

未去歡樂谷玩個陣時....日日對住部電視機...簡直悶死!

雖然係有兩部手提電腦...但係兩部都有人霸住左!想玩都冇得玩!

日日食完飯就落去健身室!日日就係咁樣過!所以我輕左少少^^

我返返黎.....個個都霸住哂部電腦...攪到我打blog都要等到夜晚先有得打!

我就好大方咁讓左俾佢哋玩!.....經常玩到死機!= =

我一番黎就諗住打blog...但係個個都搶住上QQ= =

一日都冇咩點玩電腦T.T........我今日打到呢到先!拜拜

UFO既相^^