今日返學校註册!
一出門口同琳琳b行左冇耐...
就落左場雨!好彩琳琳b有帶雨傘!
琳琳b見到場雨仲未停....所以叫呀華攞多把雨傘!
點知呀華一攞黎....場雨就停左= =
之後呀華就俾左把雨傘我...我就要攞住把雨傘行上德蘭= =
(我想講其實把雨傘係朱女既)
咁我哋行到德蘭呀華就叫我可以掉左把雨傘去!之後我就掉左去囉!
入到學校都....差唔多要集隊!
上到課室交完兩張回條就走得......
我就落左去特別室夏雨天操場下面果到交訂書費用!
本來我約左琳琳B一齊放學既!不過....我掛住同同學傾計..唔記得左!
之後我出左門口兩頭望....都望唔到佢哋!我就入返學校同同學傾計!
呀蚊叫我放學等埋佢...咁我就一邊傾一邊等埋佢!
之後我等埋佢註完册同埋佢呀媽一齊搭的落去土瓜灣!
(因為呀蚊佢肚痛得好犀利!所以陪佢去買止痛藥)
買完止痛藥就陪左佢去食野!之後叫左好多野食佢都冇食!
之後佢呀爸黎左........帶左呀蚊返屋企!
靜低我同呀蚊既呀媽係到食野!我同佢呀媽講左好多野!
講左冇耐我哋食完野!就各自返屋企啦!
|
