|
leo嘅日記
呢個係一個無聊人嘅日記,記住一個無聊人嘅無聊生活
|
    |
|
2007 年 2 月 2 日 星期五 今日好悶 所以冇咩打上黎, 好對唔住.... 2007-02-02 10:16 PM [ 訪客留言(0) ] [ 編輯日誌 ] [ 分享至FACEBOOK ]  2007 年 2 月 1 日 星期四 老鄧搜書包.......... 有個中二嘅 小朋友(廖達輝)唔見左部計數機, 佢話唔見部計數機果陣, 見到有中三嘅大朋友鬼鬼祟祟咁出沒... 結果, 搜左我全中三嘅書包, 依然一無所獲... 浪費左我好多時間, 令我來不及睇<我們這一家> 好unhappy, 老鄧,我要你錄俾我睇呀........... 2007-02-01 10:53 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 31 日 星期三 週會果陣......... 睇左套黃少芬老師挑選出嚟嘅電影, 但係真係好悶. 所以同坐喺隔離嘅李文居老師玩估領袖 佢做d動作好好笑, 佢扮唔小心跌落嚟, 我又跌, 結果我俾李慧如怒目相向 我扮唔關我事, 佢結果冇眼睇, 我又同李文居玩到放學........... 2007-01-31 11:18 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 30 日 星期二 今日上左堂創意寫作....... 一開始.... 教我哋講粗口..... 之後, 老師叫我哋改變<三隻小豬>嘅故事..... 老師佢將個故事改到........ 冇嘢好講.... 好變態.... 帶有嚴重嘅色情 講出嚟簡直弄髒我的口
p.s.如果你按捺不了好奇的心,可以去問3e班嘅楊卓鴻=3=,因為老師一講,佢就好快咁抄錄下來 2007-01-30 11:12 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 29 日 星期一 我真係輸咗........... 李文居同我講我只有九十幾名, 真係退步咗, 所以我決定玩少啲電腦, 溫多啲書.......... 2007-01-29 10:23 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 28 日 星期日 今日全日都喺圖書館待.... 今日勁悶~ 一直喺圖書館發待~ 無啲咩特別........ 2007-01-28 09:42 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 27 日 星期六 空手道上學期最後一堂 空手道今日係上學期最後一堂... 下次再見師兄,又唔知要等幾耐... 聽聞又有幾位小朋友話唔玩... 我又少咗幾個人陪我玩喇... 好唔開心... 我開始想去其他道場... 但又驚太多唔識嘅人,會蝦我, 真係唔知點好,有冇人可以幫我諗下... 我諗到頭都大埋.......... 2007-01-27 10:51 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 26 日 星期五 夏偉權離家出走.... 佢一朝早返到學校,好唔開心嘅樣,原來佢尋晚訓覺,開左部收音機,冇閂到機, 訓到好好地,俾佢爸爸打醒,令佢覺得屋企好冇安全感, 所以決定離家出走,嚇吓佢爸爸,佢結果真係唔返屋企... 去左人地屋企,但係真係可以喺人地屋企一生咩? 其實個個父母親都會很疼愛自己嘅子女... 正如"離家出走"歌詞一樣, "代價高,仍愛你" 父母親時時刻刻都係我地最好嘅守護神, 夏偉權,你又細心咁去諗吓, 你嘅爸爸又係唔係從未遷就過你? 你同你嘅爸爸又係唔係從來都冇一齊happy咁笑過? 你同你爸爸嘅父子感情真係冇得挽救? 你話你爸爸就算對你做錯事,罵錯你,打錯你, 都唔會對你say sorry... 咁你又諗吓, 當自己發覺怪錯左人,而又對佢做成左咁大嘅傷害, 你可以若無其事咁去對佢say sorry... 之後就可以咩事都冇發生過咩... 我諗你爸爸都有唔少嘅歉疚... 希望你睇完呢份日記, 可以真心咁諗吓... 你同你爸爸嘅父子感情真係冇得挽救? 佢從來冇對你好過? 你可能覺得我好無聊,多管閒事, 是但,但我真係好希望你地嘅關係唔好咁惡劣.... 同佢和好如初啦.... 一世人.兩仔爺,邊有隔夜仇架? 返屋企啦,屋企嘅大門會為你而開......... 2007-01-26 11:32 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 25 日 星期四 今日好無聊呀 今日冇d咩特別, 只係lunch去左萧崇智屋企, 所以今日冇d嘢打上黎
2007-01-25 10:50 PM [ 訪客留言(2) ] [ 編輯日誌 ] [ 分享至FACEBOOK ] 2007 年 1 月 24 日 星期三 自卑.... 好慘呀... 我d數越來越差... 大部分都係因為太大意... 所以我要不停嘅做數... 務求下學期一定要符合其他有"理商"科嘅學校嘅入學資格... 但係d學校大多數都屬於Lv.1...... 機會好渺茫... 但好好彩有d入學唔需要咁高要求, 即使係點, 我都會將成績嘅目標訂高d 希望自己有更大嘅進步空間......... 2007-01-24 10:54 PM [ 訪客留言(2) ] [ 編輯日誌 ] [ 分享至FACEBOOK ] 2007 年 1 月 23 日 星期二 今日好開心呀 今日好開心呀,因為又有啲好好玩嘅數學教喇, 上次嘅小測俾番我吔, 我又係全班最高分嗰個, 由一開始就係我最高分到宜家, 有陣時,夏偉權會追到好貼.... 但就從來未高分過我, 好嘢, 但係, 生物,物理,化學呢三科, 佢一直都高分過我... 所以我一定要努力d 希望會有機會高分過佢, 我會向住呢個目標進發.... 努力..... 努力 努力 努力 努力
2007-01-23 11:10 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 22 日 星期一 死海餘生記........ 點解今日題目叫死海餘生記呢?如果大家有余海翔嘅msn,就知道佢有一陣佢自己自稱"死海",今日佢煩住我,要我教佢數,自己又唔係叻,又要快過同班嘅同學....仲要係癈物一件,今日要我幫佢做,自己就走左人,返左黎仲要好"勤學"咁去問返點解,如果真係咁勤力,就唔會叫我幫佢做啦, 夜晚晚仲要打黎叫我聽日教佢數, 最憎人就係咁, 如果真正要我教 就應該小息,午膳,甚至於放學後搵我做數, 就唔應該叫我幫佢做,之後先慢慢問... 佢聽日再叫我教數,我肯定同佢打架... 2007-01-22 11:43 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 21 日 星期日 大尾篤---警察俱樂部一日遊 大尾篤---警察俱樂部一日遊今日去左大尾篤警察俱樂部燒烤, 係唔悸好奇怪我點會去左警察俱樂部呢? 冇咩點,只不過糸東流有唔少嘅警察, 我做師兄弟嘅, 就緊係有得入去玩啦... 俱樂部又真係唔錯, 又有卡啦ok房, 雖然我冇唱, 但成間房俾我嘅感覺唔錯, 之後嘅環節就正喇--------BBQ 我食左好多,肚子發出警告後時,為時已晚, 肚早就漲到好似氣球咁... 最後嘅環節, 居然要打搏擊, 蘇民(唔知佢係邊個,可以去我相簿睇吓)食到仲漲過我, 都仲要打, 結果自己都冇得打搏擊, 我見到佢結果又自己一個飲酒, 陪佢飲左杯,但啲酒好辣, 唔飲,佢自己飲得不醉無歸嘅樣, 令我好懷疑佢點樣返屋企 佢唔止載住自己,仲要載住老婆仔女, 好得人驚....... 結果我自己坐的士返左屋企, 但願聽日唔好有單酒後駕駛而發生嘅亡命意外啦...... 蘇民,但願天主冇sleep, 聽到我的禱告吧............... 嗚~ 2007-01-21 10:59 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 20 日 星期六 今日好攰 今日好攰...今日考完升級試, 做左50下拳上壓, 50下sit-up 3分鍾腹忍 攞我命... 所以今日冇咩力打日記, 今日得咁多, 下次先打多啲.... 今日好攰, 我要訓喇, good night 2007-01-20 10:52 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 19 日 星期五 19/1/2007 19/1/2007今日我自己待在圖書館, 見到啲幼稚園舊同學, 好好彩,咁多年後都可以再見, 我哋仲係咁嘅樣, 但唔同嘅就係我哋已經冇咁幼稚喇, 但係, 可以保持喺開開心心嘅心境唔好咩? 幼稚園嗰陣, 我哋會大笑, 當其他人以打量瘋子的眼光望過嚟, 我哋會為自己吸引其他人為榮, 但係, 宜家,我哋好少咁做喇, 唉, 時間過得好快.............. 2007-01-19 11:59 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 18 日 星期四 18/1/2007 18/1/2007今日所有卷都對哂, 所有嘢都塵埃落定, 我平均分好彩合格, 但只得58分左右... 但都已經死於安樂喇, 起碼唔驚最尾啦, 但係都唔可以再喺全班頭三名出現喇... 好唔開心... 到左最後, 我都註定要輸俾夏偉權, 好灰心... 突然個天灰哂... 原來只係我播緊<天灰>... 如果我當初肯去溫生物... 我係唔係唔會輸呢? 睇黎我聽日都要全日待在圖書館溫書喇... 有冇人可以陪我呀~ 如果冇人陪我會好悶,好唔開心呀... 2007-01-18 11:12 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 17 日 星期三 17/1/2007 17/1/2007今日係星期三, day ｅ 上左生物堂，黃ｓｉｒ居然用左成堂去改份生物卷, 我居然唔合格...... 十三科,我已經衰左五科, 好自悲...... 好彩平均分仲合格~ 好好運...
希望聽日份經訓好d啦.....
我別無他望喇, 冇跌出全班十名之外,全級一百之後啦, 求吓個天唔好咁殘酷啦
嗚~ 2007-01-17 11:07 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 16 日 星期二 16/1/2007 16/1/2007今日又派左四科, 好彩,四科都合格, 到依家,十二科考試,我已經有過半數合格喇, 簡直就係神蹟, 我開始想再次接觸一早已放棄嘅宗教...... 再次向耶和華---我們的造物主---耶穌, 行五體投地之禮,以表示我對上帝嘅佩服... 居然可以幫我做到咁好嘅成績... 我今日嘅分數: HIST:55/100 PTH:51.5/100 CL:55/100(雖然唔係好高分,但已經係下半班最高) Chin.:60.5/100 好開心呀...... 放學後,去左個"創意寫作班" 個老師叫做"香惠初" 上堂勁過癮, 個老師幾玩得, 我諗如果唔使太緊張嘅話, 帶我哋出去玩, 佢應該都係玩得之人...
你哋估吓個老師男定女, 但係估中冇獎...... 2007-01-16 10:46 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 15 日 星期一 15//1/2007 15/1/2007今日派左英文三科,物理,數學,中史,地理同埋化學... 英文三科(ge listen dist),中史都衰左, 只有數學,地理,物理合格 好慘.... 化學睇少左幾條題目.... 無奈......... 地理啱啱好合格 之後就係化學, 雖然冇做好多 但都合格 數學最好, 全班得我合格..... 聽日果幾科希望唔好令我失望啦... 我好有心機溫書架..... 就算唔可以全級五十名之間, 都唔好跌出一百名之後啦... 我唔可以仲衰過余海翔架, 就算要我拚命都唔可以輸俾佢 2007-01-15 10:26 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 14 日 星期日 14/1/2007 14/1/2007今日係考試週後第一個星期日,阿爸唔使返工,喺屋企執嘢,不但整到我都有嘢做,仲連埋我都要幫手, 去大埔中心同佢交錢,打掃埋屋企,都已經好晏....... 之後自己幫自己修修頭髮(其實只係修左少少-_-) 結果,今日係我最悶嘅一日......... 到左夜晚,我同黃敬霖都要準備聽日返學啲嘢,所以唔到八點就去訓, 結果我今日就俾自己好好嘅理由偷懶, 提早去左訓覺...............
(連日記都偷懶,作得勁少......) 2007-01-14 07:27 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 13 日 星期六 13/1/2007 13/1/2007今日我返左道場,諗住可以玩串個場,點知石師兄又返左黎,李育華師兄擺到明玩嘢啫,明知佢會黎,又唔down聲先, 又唔係唔知個暴力狂特登針對我嘅........ 佢個暴力狂以訓練我做藉口為理由,捉左我去操套拳,只係平安初段+平安二段+平安三段都已經勀死啦..... 錯一個動作又俾佢打,好彩佢有戴上拳包,如果唔係我都冇命喺度打日記喇..... 如果下星期六係佢監我考帶(師兄攞左我400蚊),我唔考算,反正佢實串我....... 講我一輪,之後先話我唔得........... 好彩,壞嘅終結係好嘅開始...... 夜晚返到屋企..... 道會又叫我下星期日(21/1/2007)去聚會....... 沖完涼,睇左<鷄同鴨講>同埋<火拼時速2> 佢地做得好掂........... 但今日仲係唔算開心嘅一日.............. 2007-01-13 11:47 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 12 日 星期五 12/1/2007 12/1/2007太好喇,今日考完生物,電腦同埋英文默書, 終於可以放鬆一吓喇.... 今日啲嘢都唔係好難,俾啲老師嚇到死死吓.... 以為真係好難...... 加上黃慶褀啲山埃貼士..... 真係俾佢玩死......... 好彩今日我啲嘢唔溫書我都識.... 生物同電腦根本啲嘢勁白痴....... 我開始懷疑我唔溫書都可以合格.... 英文默書啲課外讀默,我都識呀... 係唔係好叻仔呢? 今日考完試,我開始實行24小時online...... 慶祝我努力咁捱過咗兩個星期嘅考試週..... 去向兩個星期嘅考試週完結致敬~ 2007-01-12 07:39 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 11 日 星期四 11/1/2007 11/1/2007今日考左歷史同埋化學 小息果陣,見到李文居~ 問佢我份卷合唔合格... 佢居然話我唔合格... 唔合格... 唔合格... 唔合格... 唔合格... oh !my god! 我居然會唔合格~ 我數學都唔算差得去邊~ 佢令到之後果科化學無心戀戰~ 反正自己最有把握果科都衰咗~ 考化學果陣... 好多啲英文都睇唔明 但係我都有努力以赴咁做 之後,仲餘番好多時間, 我冇嘢好做,只好細心咁去睇吓自己有冇做錯份卷 發現自己真係唔小心咁做錯好多條.... 我心諗:好彩!感謝上天,俾我機會改正..... 如果我唔識嗰啲題目啫! 就算我識做,但又將啲我明明識嘅做錯,咁咪好唔抵~ 莫非上天賜予我機會返生∼ 大難死唔去,我有如刧後逢生~ 之後,我去咗搵李文居,意圖探吓佢口風... 點知佢避開唔見我... 李文居,你好好嘢~ 小心啲呀你~ 如果我係合格,我就閙到死死吓... 但如果係真嘅話,我就放棄數理科囉.... 對我嚟講,冇咩所謂... 夜晚,Raymond仔嚟同我補習... 話俾佢聽我想唔補住~ 俾我放一段假期~ ok~ 同佢闊別一段時間喇~ Raymond仔,遲啲我地再一齊打網球啦.... 再見~ 2007-01-11 11:26 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 10 日 星期三 10/1/2007 10/1/2007今朝見到李肖霞, 問佢幾多人唔合格... 佢既答案令我好好開心 佢話好少人唔合格... 就算唔合格都唔會太低分 好嘢~ 今日考物理同埋經訓... 我覺都好容易吓... 連余海翔都話好容易... 吹水話:只要老師改卷唔好咁緊,鬆手啲,都應該有80零90分既.... 嘩!好大口氣.... 我都只係祈求合格咋........... 物理又唔見佢咁串~ 放學喇~ 想捉黃譯霆去溫書.... 又俾佢走左..... 自己反而俾余海翔捉左去溫書.... 仲要去我屋企.... 之後同佢打左陣網球.... 真係俾佢玩死... 打波, 打到球球都勁高,勁遠............ 仲要俾波打中.... 之後, 又再陪佢去圖書館... 我睇本漫畫好過............ 之後又話唔記得條頸巾.... 又要勞煩我................ 我要教其他人都唔都佢............. 啍~ 我要將佢踢番一百名之後............... 我要令佢把口冇得再咁多嘢講............ 塞住佢把口............... 唔俾佢再咁串......... 2007-01-10 05:18 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 9 日 星期二 9/1/2007 9/1/2007今日,考普通話同埋中國語文... 考普通話個陣有好多聽唔係好清楚.... 最少冇左二十分左右... 唉~ 中國語文時間太耐... 一直無所時事... 畫公仔... 俾吳緻婷怒目相向... 吳緻婷:咪咁白痴啦~ 放學~ 唔見左黃譯霆~ 佢話黎陪我溫書架~ 加上....... 佢份經訓筆記仲在我書包度~ 我好有興趣睇吓佢點考~ 聽日要考物理同埋經訓... 今晚仲要補習... 考完試之後... 仲完考空手道第7級... 好驚會考唔到.... 嗚~ 3:30pm 夏偉權同郭文軒叫我去圖書館... 抱住玩玩吓既心態去.... 點知夏偉權好認真... 我唔可以俾佢再攞好過既我成績... "我唔會俾佢威脅到我" 一定要再好d既成績... 目標:全級三十名之內... 好似將要求訂到冇可能既地步.... 我只好誠心咁向上天祈禱啦..... 唉~ 2007-01-09 12:45 PM [ 訪客留言(0) ] [ 編輯日誌 ] [ 分享至FACEBOOK ] 2007 年 1 月 8 日 星期一 8/1/2007 8/1/2007今日考中史同英文... 中史睇錯左題目... 最小冇左十幾分 英文有d我識... 但係更多唔識.... 只好希望成績唔會太差... 暴龍(梁xx)坐在右邊,好大壓力.... 好多人話我今次唔會太好成績.... 希望唔好俾佢地講中.... 2007-01-08 02:00 PM [ 訪客留言(0) ] [ 編輯日誌 ] [ 分享至FACEBOOK ] |
||||||||||||||||||||||||||||||||||||||||||||||||||||||||
