今日食粥粥~~~煲得好好味呀^^

之後去左個fd 屋企幫佢2隻狗狗剪指甲~~~勁難剪呀~~~

佢2隻狗狗又細喎~~~又周圍走~~~~有1隻仲要一剪就想咬人~~~

要佢主人抱起佢~~我先幫到佢剪~~~~~唉~~~

係佢地屋企睇左一陣電視就返我屋企啦~~~

ee~~~我發現左點先可以加到uwant威望啦~~

大家得閒就幫幫手~~click 下下面條link 啦唔該晒^^

今日要出去幫阿媽個女做回港証o既証人~~~反正我都要去天水圍拎身分證~~~~

咁岩打左比爸爸~~~可以同爸爸食飯啦^^~~~~

之後去左阿媽屋企等到5點去拎身分證~~~~阿媽唔知點解冇啦啦比左$100我~~

話我銀包冇咩錢錢~~~咁呢個係事實~~不過佢好少會咁~~唔知係唔係睇過我銀包~~~

唉~~~唔理啦~~~之後爸爸打黎~~問我係邊~~我梗係飛跑咁去搵爸爸啦^^

去左同爸爸去等埋男友去食飯^^~~食食下飯~~睇到爸爸見衫衫好似好舊咁~~~

我梗係提議去買d新衫衫比爸爸啦~~都揀左4件衫衫比爸爸~~2件男友o既~~1件我o既^^

揀完之後爸爸好似好開心咁^^星期日個餐要煮好d 先得~~

今日中午同個fd 去左餐廳食野~~~之後返到屋企上網到5點幾~~~

係就黎6點果時~~我男友打黎~~~佢發生左一件好搞笑o既事~~~~~

佢對鞋比唔知邊個白痴偷左~~~哈~~笑死我啦~~~~佢只好著住對水鞋返黎~~~

一路同男友行街我一路係度忍住唔大笑~~~好辛苦ga~~~~

食完飯之後去左陪佢買左對鞋~~~同我著緊果度都差唔多~~幾似情侶鞋^^

之後就返屋企lu~~

今日一訓就訓到1點幾~~~之後同男友去左元朗行街食野~~~

去左一間叫"富都餐廳"度食野~~~~d 野食都ok la~~~不過d 侍應好唔得囉~~~~

成日都企係水吧位~~~~又睇唔到d 客叫佢地~~~~d 野食又耐喎~~~~

食完野去左行街街~~~之後就去買"食送"~~~今晚有蜆食~~~

返到屋企~~~嘩~~~成5點啦~~~~打左一陣ps2~~~~

到7點幾煮野食啦~~~~一路食一路睇電視~~~~

勁好味呀d豉椒炒蜆~~~我第一次炒ga 咋^^連男友都話好味~~~有出面果d o既8成~~~

呵呵~~~~等我係下個星期日再炒比我爸爸食啦^^~~~~

今日男友冇返工~~~陪左我成日~~~~好野~~~勁開心~~~~

如果係平時~~~我都冇咁開心出去食早餐~~~因為我唔鍾意一個人返屋企~~~~

今日落好大雨呀^^我最鍾意一路行一路踏水氹~~~~好好玩ga~~~~

之後男友就好似我爸爸之前咁~~~我一路踏佢就一路叫我小心d~~~~~不過冇阻止我踏~~~~(我最鍾意比人呵護o既感覺)

去到食野o既地方~~~~yeah~~~d 腸粉仲未賣晒~~~~~開心死我啦~~~~

我最鍾意早餐食腸粉~~~~不過呢度得一間有腸粉賣~~~所以8點半之前一定賣晒~~~~~

我地去到都成8點幾9點~~~~可能今日落太大雨啦~~~~d人都唔點出黎食野~~~

食飽飽返去果時~~~~d雨細左好多......唔制呀....落大d好玩d ga ma~~~~

到下午~~~男友陪左我去行街街~~~~雖然都係有去書店~~~不過今次唔係留得太耐~~~

仲陪左我去買野添^^我係果d 收得越多野越開心o既人~~~唔駛一定好貴~~只要係多我就好開心~~好平o既野都係^^

佢買左2對鞋鞋~~4件衫衫~~~5對襪襪比我~~~~之後去萬寧買d洗頭水~~~

平時佢一定唔贊成兩個人用兩種洗頭水~~~今日都買左比我~~~~^^

到夜晚~~~男友話佢要睇dvd~~~但係我想睇埋小說先~~~咁我就入左房一個人睇小說啦~~~~~

點知睇睇下小說開始行雷~~如果細細聲我都冇咁怕~~~~點知突然有個勁大聲o既雷~~~~

嚇到我跑左出房~~~喊住去搵男友~~~~~其實我由細到大都好怕行雷.....

只不過果時成家人係屋企~~~我個心都冇咁怕....所以係冇咩人知我怕行雷.....(成家人都以為我唔怕行雷)

之後男友就一路抱住我一路睇dvd~~~而我就嚇到連晚餐都食唔落啦......