之後就搭車返將軍澳...去左厚德個邊諗住見工...行到門口...我先發現自己唔敢行過去問人...唉...原來我都係冇咩膽既...之後我就去左圖書館啦...成日都話過...講左咁多次...我金次終於實行啦....我留係個度留左差唔多成個鐘...如果....如果個圖書館o係我樓下就好嚕...咁我就日日去都得...唉...都係冇得如果架啦...

最後借左6本書...有d重...不過都已經冇咩所謂啦....返到屋企...訓左半個鐘....起身食飯...睇電視...

夜晚珊珊打俾我...同佢傾左一陣..打俾樹哥哥...竟然3個人都好似冇咩話題咁...我都估唔到..以前同樹哥哥咁friend...仲諗住唔會生疏得去邊....但其實我錯啦...我高估左我地之間....我以為朋友真係會一生一世...但原來就算宜家幾friend既朋友...始終有1日都可能會變...唉...或者我太高估人與人之間既關係....

因為樹哥哥話要睇世界盃既關係...所以我同珊珊都唔阻佢嚕...唉...打左俾佢...反而仲更加唔開心....之後由於洗碗既關係...所以我地又收左線嚕....之後再打俾bird bird...諗住同佢傾下計...點知原來佢又要睇世界盃....不過我都唔阻佢嚕...之後打俾家輝...點知佢又睇緊世界盃.....

我話我唔同佢傾啦...我叫佢睇電視....佢又話一邊傾...一邊睇電視....我話唔緊要啵....但佢就點都唔俾我收線...之後我話我想睇凶兆..佢話陪我睇....我就話睇下點先算...因為我都有d驚....之後我同佢傾到2:15a.m就去訓嚕...因為好攰啦...個人真係有d捱唔住..聽日真係要休息一下先得...