搭車出去既時候...我撞到少玲...咁啱佢去長沙灣..而我就出尖咀...所以就一直傾到佢轉車啦...佢又靚左啦..佢都話我靚左...唉...但我唔覺囉...佢都話自己變左啦...或者佢講得啱既...出嚟做野如果冇變過既話都奇啦...而且佢開始唔多想講自己既野俾人地知...但我唔想自己點成咁...我諗都唔會卦...

原本仲諗住過土瓜灣見工架...不過晏過頭...所以咪留左係尖咀行街同去左機舖打機...又有得打機....正丫....打機又用左差唔多$25..不過打機都差唔多係呢個價錢既...勁好玩...之後我地就去左行街...行行下就行左去海旁...坐左一陣..吹下海風...我都好似好耐冇嚟過海旁啦...上次出嚟好似都係除夕既時候嚕...唉..其實我好鍾意吹海風架...只係唔會特登出嚟出海風之麻...即使幾個鐘坐係海旁度...我覺得一D問題都冇...而且我都唔會覺得悶既...或者有時都真係好鍾意自然啦....如果D蚊唔咬我既話..

6:00P.M就搭車車返屋企..幫媽咪買埋野返屋企...用左一陣電腦就有得食飯啦...之後就睇電視..睇到8:45P.M決定去沖涼...因為我睇電視會睇到11:00P.M...金晚開始要睇埋"15/16"...好睇丫...哈..真係有大把時間睇電視...不過唔知呢D生活可以過到幾時呢?

之後同家輝傾左一陣...我都去左訓嚕....因為唔想阻住佢玩電腦...費時我地兩個拎住個電話...但又唔講野啦...佢原本都唔俾我收線架..但我知道佢一心不能二用...所以我都係乖乖地去訓嚕...