食埋美味既意粉就換衫...準備出門口之際...媽咪叫我落街幫佢拎返排雞蛋...唔.....咁好啦..拎埋排雞蛋先正式門口啦...落到鐵鐵站...有個婆婆問我應該點搭去黃大仙...但我驚教左佢...佢都會搭錯...所以我就話"不如你同我一齊搭啦...橫掂我都係搭去鑽石山...只係早你一個站落車...."...之後我見到個婆婆好開心...可能如果佢遇到其他人...其他人會唔理佢啦....但我就覺得冇咩所謂啦...幫到人都已經好開心啦...仲計較咁多做咩呀....

之後個婆婆就同我傾左一陣計...我就溫書啦....之後到左鑽石山提埋個婆婆就落車車啦....入到馬鞍山都唔洗1個鐘...差唔多9個字就入到去啦...我都覺得好快...之後又去m記啦....金日係溫英文...唉..我D英文真係好唔得....溫左個幾鐘...溫到都有D唔想溫...之後拎左本數學書出嚟...仲諗住睇下佢教唔教到我....點知佢自己做埋一份...仲要做到勁開心 ..都唔知俾D咩反應佢好...咁我就自己溫數學嚕....差唔多4點就叫佢帶我去圖書館啦...

個度圖書館都唔差...都幾靚既....係個度都差唔多玩左成個鐘....我地玩個D智慧既問題...我地笑到爆...因為D問題易到可以發神經...之後就去行新港城...諗住買D得意既野俾杜杜...點知都係睇唔啱...6點先搭車...然後買埋野...7:10P.M先返到學校....上會計堂..再上數學堂...都過得幾快...之後又去公園玩...玩玩下就傾計...每次傾計既時候...我都覺得好舒服同享受...因為我知道我地3個第時都唔知會唔會咁FRIEND...不過我知道呢D都係人為既啫...祝我地3個友誼永固...傾左我地自己既夢想...我就想開舖頭...而leeman就想寫書...而杜杜就想做漫畫店...唔...真係開心...仲有1個月多少少就唔洗返學架啦...咁我地就會更加少機會係公園度傾計...唉..真係有d唔捨得既感覺....

返到屋企食野...睇電視...問bird bird人類...呢排真係好有心機溫書...俾心機呀...到左12點...佢個friend打俾佢...拉住佢差唔多2個字...有D無奈....不過唔緊要啦...因為bird bird都幫左我咁多...我要多謝佢至啱...