不要再離我太遠....(足球篇)

唉...近排d龍門框都唔知點解係都唔比我入多過兩球,星期五既聯賽雖然慘勝2比0,我入得個1球咁大把lor,仲要有球單刀唔入射斜lor,即刻要搵個肺黎頂呀,仲要比aires o個條友係神射手榜head住我一球,如果o個球單刀攪掂埋大家9球平手lor,可惜依家我仲係得8球,唉......神射手不要離我太遠~~~~~

仲有一樣野要頂既就係ez個gap網成日計錯d入球lor,依家個網仲係打我7球,明明8球ga ma....如下:球王+1,越青+1,白之鳥+2,maresk+1,ant+1,黃河+2 ====== 大佬點計都係8球啦下話......還我1球來.\/.

我同c朗實在太似啦,應入唔入個d呢,好彩我冇累輸波jar,如果唔係點對得住鄉親父老呀

有時踢依個聯賽真係覺得太大壓力啦,好似將乜野都"咩"起晒咁,又要負責入波,又要番後幫手,又要搶波,又要追波,又要指指點點,仲要下下跑狗wor,即係下下爆speed個隻,攰都唔可以換人,因為我知我走左之後佢地會踢得好辛苦,so.....太大壓力啦

c朗練罰球你估我唔可以苦練射門咩,車,9球好叻咩,下場過你啦

話就話過人je,下一場1月5號就要咁岩對aires,我都冇乜信心可以贏到,更加冇信心阻止人地條友入波or我自己入波,大家隊友生生性性啦下....

"球場是我舞台"依句野係唔係放棄既...just do it 啦 尼菲joe

大家支持下我地啦下....

放鬆自己放鬆自己,無壓力無壓力==+

我要番低所有野先可以踢d好波出黎比大家睇下,包括憎恨.......

唔知點解睇親21都僧好有鬥志ga wor,神作真係神作,睇到由唔識玩變到好想玩,正...

To文太:我要你見唔到我車尾燈.\/.

依排我地又興番玩灣岸,不詔我始終都係覺得灣3個畫面都係太花啦,我都係睇唔到個灣位係邊lor=口="

嘩,我又真係估你地唔到wor,估到1個,估唔到第2個,更加估唔到第3個

刊登時間：2007-12-30 04:09 AM  [ 訪客留言(0) ] [ 編輯日誌 ] [ 分享至FACEBOOK ]

人心難測

收到封密函之後我都唔知講咩好,屌又唔係,嬲又唔係,發脾氣又唔係,不段咁問點解要咁做呢,做黎有咩用呢,都話左乜人都係信唔過ga啦,所以話狗不嬲都係我最愛既寵物,因為忠心之外狗係唔識講人話..

有能力既真係要去new西蘭同"最愛"既人一齊住,遠離煩囂,日出而作,日入而息,夜晚就睇下夜空間無數既星星,感覺超正,咁樣一世都唔錯wor

依家乜都唔驚啦,"人"咁恐怖既野都對左咁耐,仲有咩野好驚呀

順我者生,"亦"我者別亡.....令我可負天下人,莫教任何人負我....

收到封密函之後我睇過就算,卧底d確係做到野

又要用番星戰既對白:you either with me,or you are my enemy.....明白未

邊d係人邊d係鬼,我依家真係睇唔出

唔通"你不仁"跟住個句一定要係"我不義"咩?

我同佢一齊跟本就係錯,錯得好緊要,可恨我冇帶眼鏡睇清楚d人

點解會係咁,真係估都估唔到,呀唔係,估就可能會估到,睇就真係睇唔到,我太睇少你啦

兩個人會冇事發,三個人會發生好撚多野,四個人就乜野都會比人知道晒

本來有d開心既野想打,不過都係算啦,d人知道都係冇謂既

我會係某d人面前更加自私更加自閉

知唔知我點解會同d 波友咁fd,因為除左佢地係我由細踢到大既波友之外,佢地係冇祕密,有乜野都會係面前講,真係未驚過佢地係背後講你,得閒吹下水,你寸下我,我寸下你咁,冇乜話會嬲既,依d先係叫"朋友".........你地自問你會做到咩

令願當冇收過封密函,我繼續乜唔知會更好,可能會話我逃避,不過逃避d咩呢,逃避人性既醜惡?因為我唔想為左保護自己而將自己變做更加恐怖

個個都以為我好踩而踩到幾腳,喂究竟你地識唔識停ga,應該都係時候唔好再踩我啦wor

無謂要我出暗箭傷人呀,笑裹藏刀呀,扮傻仔拮你背隻依d招數,講堅我依d招數都好勁ga wor

最緊要你地做乜先都要停一停,諗一諗,乜都要諗過後果呀,計較下利害呀咁,就算係幾fd既人都要諗一諗先,有你著數呀...

以為係平地,原來係個凹地,咁你就仆街啦,千其唔好怪自己,只有話整依個凹地既人太好野,整多好似個平地咁比你行

今日打左好多粗口出黎,唔好意思呀下.......真係要快d諗下new西蘭計劃先得

刊登時間：2007-12-27 03:04 AM  [ 訪客留言(0) ] [ 編輯日誌 ] [ 分享至FACEBOOK ]

聖誕快樂

岩岩先番到屋企,因為有個fd突然勁唔舒服,齊齊送左佢去tko醫院,等左3個鍾佢先輪到佢,唉,佢真係好辛苦,面都青埋都要等3個鍾,即刻諗起黎國柱

話說平安夜一行17人去左MK食韓燒,勁好玩,價錢都算平tim,不過食左個半鍾就叫我地走,d人好似唔係幾夠飽tim=口="

跟住又周圍走,我地既最終落腳地係許留生,亦都可能係整到我個fd唔舒服既原因之一,不過講堅o個到d野真係幾好味既

mk真係勁多人,乜人都有,不過靚女就好似少之有少

我地有3個選擇,第1燒野食,第2 BBQ,第3就係透爐(齋透唔燒)  =.=凸

梗係越多人越好玩啦,理得佢有冇女,好玩就得啦...

絕對係唔飲酒既.....

merry christmas and happy new year ~~~~~~~~

刊登時間：2007-12-25 07:33 AM  [ 訪客留言(0) ] [ 編輯日誌 ] [ 分享至FACEBOOK ]

白痴

白痴白痴,咁就有8千人次黎過啦,人就多啦,不過留言就少wor,齋睇唁留唔得咁ga wor,而且我又發覺原來自己係幾年既時間入面打得個百幾篇日記jar wor,講乜鬼日記,週記咪算lor....

25號食乜鬼飯呢,得個5條友,都係算吧啦,我唔去lu....

咁快又聖誕節,咁快又一年,時間真係真係過得過得好快好快

聖誕節當然一大班人過好玩好多啦,岩唔岩先,不過我都應該會揀訓覺－－＾

家樂是我家,睇波齊參加,近排好似成日都去過度食野+睇波wor

放工一包朱古力lor依家,超正超好味

前日發左個夢,有個女仔向我send左個表白sms比我,醒左之後即刻睇番部電話record,嚇得我原來堅係發夢je@@"

我部psp睇黎又要重出江湖啦

大佬,快d轉番幅相啦,睇見到有少少嘔心+核突呀 .\/.

我覺得<月球上的人>配<秒速五厘米>又幾fit ga wor

呢排寒底,冇乜感覺

番工地鐵車尾,放工地鐵車頭,絕對唔會係中間出現既我.............下面首歌堅好聽

梁雨恩 - 地下鐵

刊登時間：2007-12-23 04:55 AM  [ 訪客留言(0) ] [ 編輯日誌 ] [ 分享至FACEBOOK ]

傳奇

前幾日終於睇左魔間傳奇lu,睇落唔錯wor又,有d位又真係可以嚇到你傻呀

我地呢就睇淩晨12點幾既,原本有6個人睇,點知有1個就臨時話唔睇,既然買左飛就當然唔好晒啦,我地個個就開始吹雞搵個人黎代佢,最後好彩搵到呀聖母君......其間有人係耶林閣撩女睇戲,笑死我=.="

琴日呢,就唔知點解又去左睇戲,真係唔知點解wor,本應放工之後就想即刻番屋企訓覺既,超眼訓lor係,睇個套我唔記得左咩名既戲,大佬呀成兩個半鍾呀,番到屋企成兩點幾lor,唉.....

星期日淩晨踢完波番屋企個陣,見到有個人流晒血訓左係度,有差佬黎到先知係跳樓,跟住就見到死者既父母喊住咁跑過去,見到都慘,唉,點解會發生d咁既事ga

尊重好緊要lor,特別係對死者

嘩,好多戲好想睇呀,唔知睇唔睇得晒呢=.=a

唔該呀某人唔好咁變態呀下,唔好再將我既生日係msn張相,請盡快換掉....

.....................................................................完

刊登時間：2007-12-19 12:59 AM  [ 訪客留言(0) ] [ 編輯日誌 ] [ 分享至FACEBOOK ]