I wanna be strong

自從歐聯晚換左隻紅ring支持曼聯之後,一直都好似唔係幾順利咁,唔通今年紅色唔利我@@a

無謂鬥氣,換番隻紫晶邪一邪番佢先.....

依家個個星期六都玩通頂,唔係snooker就打牌,再唔係就兩樣一齊黎....

扮一扮呀dick je, 即刻係咁輸,一家輸三家,好彩百幾蚊 je.....

剩下自己,一家輸到尾......

悶爆呀頂,日日復日日,明日何其多呀....

唔知點解成個人都好攰咁,d肌肉好似好緊咁,勁想比人揼番鬆佢呀

刊登時間：2009-06-04 02:41 AM  [ 訪客留言(0) ] [ 編輯日誌 ] [ 分享至FACEBOOK ]

行動

琴晚就係令人非常期待既世紀之戰,結果由巴塞贏左..講番場波,曼聯可以話唔知踢乜黎形容,比巴塞中場任推唔嬲,得中場得天下,跟住d人個個都唔知做乜,又唔追波,傳傳下波可以傳左比人地到,真係得呀c朗比較博,可惜得佢一個上力邊夠人地做,如果依場唔係決賽,曼聯一定做硬皇馬咁係咁比巴塞喪入波呀,唉......

輸唔係問題,唔該輸得好睇d啦....

成晚飲左一支啤酒咁大把,真係有乜理由咁q難飲都咁多人飲,琴晚堅係想飲可樂的....

跟住搭小巴番屋企個陣,後面個男人係咁belibala,係咁數曼聯,又係咁數臭c7,d 人往往都會睇到表面既野,永遠係唔睇人地背後付出左幾多努力,比夠你10年時間你做唔做到世界足球先生,唔好話世界足球先生,香港隊你都入唔到啦,咁叻,你做比我睇lor...

當然球迷係有自己的意見啦.......

岩岩睇左<未來戰士2018>,番到屋企上上下網先記得卡理斯係邊個,原來係第一集男主角,十幾年前既事啦 wor =.= ........\

點解日日都落雨呀,今個星期六又係諗住陽光與海灘,跟住夜晚有比賽踢呀,一定唔好落雨呀唔該晒.........

岩岩既<霎時感動>講"行動",千其唔好乜都話唔識呀而唔做,"行動"完無論結果係乜都無悔呀

悶呀............

刊登時間：2009-05-29 02:54 AM  [ 訪客留言(0) ] [ 編輯日誌 ] [ 分享至FACEBOOK ]

皇雀會

星期六收工後應該要去沙灘玩的,結果落雨又冇冇得去.......唉....唯有寄望依個星期六啦 @@+

結果收工後同左呀dick番寶林食小金井,原本呢就一人叫一個定食咁大把je,跟住唔知點解你大下我,我又大下你既情況下叫多一大船壽司,最尾d壽c就食晒,定食既飯就仲有大半,浪費.......

食完番左屋企hea左一陣就陪呀屎元出去灣仔買display card,買完之後約左呀托迪生係銅記等,又行左一陣之後結果晚飯又係食KFC=.=凸

跟住九點o靚十點,就出左去太子搵佢地,跟住唔知邊條腸粉話打牌,跟住就去左皇雀會開房打牌,打11點半打到5點半,打左成4百蚊 @@,除番每人都要1百,不過我地有叫野食,間房又ok舒服,仲有波睇,算ok ga啦.....

星期日就狂訓,起左一陣身之後,又再訓過,訓醒就番工lu....

過多兩日就歐聯啦 @@......又喪玩啦喂......

又再一次愛上了扭蛋呀 ~.~"

近排要係入番d零食番公司先得.....

自從親眼見到人斷腳後都成個幾個星期冇踢過波,堅係開始肥,好似有小肚腩既出現啦 =.=凸

每晚收工都搭5點55分個架98s,唔知點解好好訓ga wor －－^

好....訓多3個鍾又起身番工先.

刊登時間：2009-05-26 04:04 AM  [ 訪客留言(0) ] [ 編輯日誌 ] [ 分享至FACEBOOK ]

Night at Museum 2

岩岩去左睇<侏2>,真係好好笑,d笑位堅係好爆下,好笑得黎又不忘兩句人生道理,堅係值得買飛入場睇的.....

世上最開心既事,就係同喜歡既人一起同埋做自己喜歡做既野...

下星期就睇<未來戰士2018>,依套真係要搵埋呀托迪睇,話說好耐之前呀托迪一跳落5人場個陣,唔知佢係有心定冇意,落地個下擺左個未來戰士既蹲低既姿態,又即刻成個場d人笑到訓低晒,屈機的......

今日個集<拾時感動>又真係ok岩聽,郭晉安個故仔話人生分左20歲,40歲,60歲同80歲4段時間,每個階段又唔同既思想,聽落真係幾岩聽,大家得閒真係睇下,幾分鍾唔會阻你好多時間(I am a sales=.=)

I am thinking........I am thinking...........I am thinking.... (有睇侏2就知)

星期六陽光與海灘,唔好落雨呀唔該............  @o@

就黎歐聯決賽啦 ~~~~~~~~~~~~~~~

刊登時間：2009-05-22 01:26 AM  [ 訪客留言(0) ] [ 編輯日誌 ] [ 分享至FACEBOOK ]

努力的凡人

經過星期六慘敗既一役後,意識到自己既不足,冇得怪任何人,唯一可以做既,就只係自己再比多d努力,再用多d腦黎踢波....

任何事我都係凡人,絕對唔係天才...

今日踢寶康超級恐怖,話說對手有個人同呀基普腳撞腳,真係"白"一聲,人地上5寸下5寸再低d個位即刻斷開兩節,勁恐怖...真係勁大聲"白"一聲wor

依d就堅係斷腳啦...不過點解條友好似唔痛咁既 @@|||

睇完之後即刻兩隻腳冇力,依家諗到都驚呀頂....

踢波就係咁暴力 ~~ .....不過我鍾意,冇計....哈

好多野鍾意就鍾意,改不了,太硬啦條頸 = =+

刊登時間：2009-05-19 02:31 AM  [ 訪客留言(0) ] [ 編輯日誌 ] [ 分享至FACEBOOK ]