今日一早返到去,寫番張心意卡比miss許,之後知道左miss yuen冇返,有個老師代課,上左兩堂數學,我冇理佢,自己做數,佢講d野好無聊!!!!小息果陣要在心意卡度簽名,等左好耐.之後上音樂,我地唱唱下歌果陣,話為左miss許,要唱番首歌比佢聽,本來話唱「朋友」,點知話好難唱,錯左唱「漫步人生路」好似唔關事  再加多幾句(我捨不得你yeah ye yeah...)之後練到打鐘,即刻衝上去...上中文,好快落堂  唔知係咪最後一堂,之後全班一齊唱歌  ,miss許喊呀!!!應該係太感動啦!!  我諗佢一定好開心!!之後送禮物,我就交張卡比佢,之後再影相!!!!!夏萍同永茵都喊!!我好想喊,隻眼好紅,琴晚喊定先,所以今日冇眼淚.之後上英文,得我地同個外藉老師(雞同鴨講),之後上番數學,地理老師要比番堂佢,派測驗卷,61分...ok啦,比佢教左咁耐,第1次合格(唔關佢事,唔係佢功勞,係我補習老師  ,真係要多謝下佢,佢教得我好好!!!!),午膳小息果陣,先知果個代課老師冇左3隻手指,好恐怖呀!!!!之後上家政 ,仲以為上D&T  佢今日冇話過任何人(太陽由西邊升起),仲好比心機教我!!!!!!!!  不過我都係包得好差.... 仲整到隻手...之後上第9節,冇老師理,到4點自己走!!!!之後去左買碟比嘉韾燒體育份野,再攞番去學校比佢,之後返屋企.
| 
