今日係Day1,上p.e堂喺環校跑3圈,

都有一個唔錯嘅成績...3'17......

跑完之後,真係暈到呀乜咁,唉埋咗牆到好內.....

之後又幫社跑4x400....我跑第四棒...

喺等緊vivien跑緊嘅時候(第三棒),

我喺新翼到等佢...心跳得好快@@

我自言自語話:唔好緊張....放鬆....

因為我一緊張,隻腳就會好薑,跑唔快...

東社返黎啦~~之後vivien都返埋黎,

我起勢咁追.....................唔知點解,我追唔到呀布.= ="""

可能因為yuke之前跑得快,我同呀布嘅距離太大啦...

之後Angal喺我後面,為咗唔好比佢追到,

我攰都話比我自己知:唔得呀,死都要橕落去架!!

為社,我可以好落力......

就黎跑完嘅時候,我聽到周清叫我加油....

入到新翼,miss黃話我地社跑第二,用咗3'07.....

其實我一跑到返黎,已經係暈到就黎仆親,

紙皮問我有冇事,話我跑到口都變咗白色....

我一直掩住自己心口...好難呼吸....Jenny走過黎,問我有冇事,叫我飲水...

聽到咁多人問候我,跑得辛苦都係值得架....

尋日,我打爛咗隻杯...

以前我從來都覺得呢隻杯好樣衰,我唔鍾意...

但係就唔發覺...喺冬天佢為我遞上暖水;夏天佢為我送上冰水,

到而家,我都記唔起佢任何一件好事......

如今,我打爛咗,先黎覺得可惜...心痛...

我唔想佢爛.....但係我唔知仲可以做d咩......

只怪我當初唔識珍惜啦~~~

好啦~~做功課!!