開學幾日,今日先係正式上堂,

見識新任教我嘅老師...

數學係蔡忠球...(個名怪怪地)

佢好似係社長個班主任......

中史係財叔...

唉~大道理,講到天黑都未完....就係咁,哦咗成堂....

一直上堂都好靜...我討厭同唔慣....

好似成個班房得我自己一個上堂咁,

講真,真係冇以前1c咁開心...

以前1c上堂氣氛好好架...

成日講笑,好開心,好開心...

雖然,可能你地會問:
上堂唔係應該靜靜地架咩?
成日講笑咪好難專心囉?好難讀囉?無助於學習架波~~

但係最起碼我讀得開心吖~~

如果無助於學習,我又點考上2A架?

靜靜咁聽書,真係好悶,

悶到就黎訓著覺....就算蔡SIR嘅話講得再動聽;

就算MISS柯做嘅動作再令,講嘅野幾咁吸引,

對於我黎講,好笑都變得唔好笑,

因為就算笑,都冇人同你笑,

再好笑嘅笑話,都冇人笑...

喺2A,真係好靜..我唔想咁呀....

我真係好懷念以前1C嘅時候...

我想返2C啦....

喺知道自己入咗A班,本黎唔想入,

但之後喺暑假又發生咗好多野,

比我覺得留喺C班都多餘,只會見到D唔想見到嘅人,

但係而家...果種唔想喺A班嘅感覺又返黎...

開頭我仲以為我可以放低,

原來唔係...其實我一直都在意去唔去A班...

我,布布,練楠,連思泳哥都想返去C班...

幾日嘅返學,大家都成日喺2C門口聚集,

一齊傾計傾到打鐘....

真係好想好想離開A班呀!!!!!

日日夜夜都聽住d ee哦哦嘅英文..

我唔係聽唔明,只係唔想聽,聽得多厭,又唔比講中文..

唉!!!!!!!!!!!!!!!!!!!!!!!!!真係唔想咁快到聽日嘅黎明,

因為要做好多野,面對好多野,同時亦希望逃避更多嘅野..

陳sir,李sir,點解要我入A班呀??

都唔明點解呀媽係都要我入..

我知佢為我學業好,但係就令我無心向學...講真架...

今日放學回家途中,諗起好多1C嘅野...

真係好想喊...

記得有一次,陳sir入到班房,黃溢廷雄厚嘅聲音叫:起立

但係唔知點解,D男仔叫得好大聲:
陳老師午安....

"午安"開始細聲,因為陳sir做咗個動作,叫我地唔好哎得太大聲...

一聲"坐下"大家相視而笑,陳sir話:
我地終於有番D默契啦~~~

感覺佢好似就黎離開C班....

大家嘅聲音,我好記得....點樣,我記得...做過D咩開心嘅事,都記得,

真係希望我地唔係一般嘅友情...

但係有人黎,就有人走,仲要一走走十個....唉...傷心...

好啦...訓啦...準備每日嘅行屍走肉,

痛苦咁接受所有A班嘅不快...

就算唔開心,都要唔開心落去,

因為我知---離不開...