今日睇咗"人生馬戲團"嘅大結局...

覺得好感動呀...我都希望,我有一段咁嘅愛情...

係咪發緊騷?

 哈哈~唔知呀 ╮(╯╮╰)╭ 

其實我仲放唔放棄,仍然係未知知數...

但係如果你問我仲係咪愛佢,

我可以好肯定咁答你地,我係仲好愛佢...

林佩儀話,我應該堅持...

周清話,我應該放棄...

究竟我自己想點呢??

所有野都係我諗,我做,我憂心,

究竟佢有冇為我做一樣,我認為最安心嘅事??

或者佢有諗...或者喺我地散嘅時候,

佢都會有諗點解我會變到咁不可理喻...

但係我卻有萬千嘅煩惱,

去諗佢對我嘅不可理喻...

我嘅不可理喻係我無啦啦迫佢要佢唔想要嘅野...

至於佢嘅不可理喻,就係明明知道我仲係好愛佢,

佢又愛我,卻唔同番我一齊...

唉...

經過半年嘅時間啦....

唔經唔覺,我地嘅冷戰期,

已經過咗一個難過嘅冬天同埋就黎完嘅春天...

呢年嘅冬天同春天都好難過...

一時凍,一時熱,

唔知係咪因為我地呢??

真係整整半年啦...

唔通我等,都只不過係白費心機??

定係佢唔想我等??

我唔知...我只係知,我唔想再等...

可以嗎?