我仲以今日冇前幾日咁凍,

不過原來都只不過差唔多...

今日有P.E堂,

真係開心啦,教跳舞呀~^^~

今日教咗"十八步"...哈哈~好開心呀...

我由細到大,我都好鍾意跳舞,

因為我覺得跳舞嘅姿勢真係好靚..

但係...因為一次...我就冇再學啦...

就係..好似大約喺我讀幼稚園高班嘅時候,

我已經好鍾意跳舞架啦~咁我呀媽就幫我係天瑞(我以前住喺天瑞)嘅社區中報咗個跳舞班,

本黎係報咗芭蕾舞架...不過之後個班話唔夠人,所以就只係開咗中國舞班...

但係我上咗兩堂,就覺得個班淨係猛咁叫人隻腳屈黎屈去,整到隻腳好痛,

所以我就喊住咁同我呀媽講唔學啦..

自此之後,我冇再學...一直到我小四,

學校又有舞蹈組,咁我又試下參加,

點知我呀媽話我d課外活動太多,要我唔要一樣...

咁電視台係我最最最鍾意嘅課外活動...獨誦又報咗名,朗誦又報咗名,

冇辦法下,我只好退出舞蹈啦...

就係咁,我次次都冇學得成...所以我亦冇同人提起過我曾經跳過舞,

更加冇同人講過我鍾意跳舞...

唔知幾時會再有機會跳呢?

尋晚,我又喊啦...因為我呀媽要佢日日送我返學...

我好憎佢地呀,我決定佢地同我講咩,問我咩,

我都唔答佢地...

唔知今晚我仲會唔會喊呢??