終於明白到咩叫無可補救
當你選擇放棄某一樣野既時候
可以好灑脫
但係當真係冇左既時候
就會覺得好唔捨得
我係咪真係做錯左???
我係咪唔應該聽人講
係咪唔應該咁做??
唉.....我真係唔知
唔知我究竟係o岩定唔o岩
唔知唔知唔知唔知.....

我懷疑琴晚食錯野
成晚都胃抽筋
之後今日痾左差唔多十次
個人心情唔好身體都差d
救命呀~~!!!!!
有好多野未做
好彩聽日有一日假期
如果唔係就真係會做死我

我討厭人地馬後炮
當初明明係叫人咁做
到知道人地做錯左la
就話:我話咁姐...冇人叫你聽.....
將一切責任推得一乾二淨
俾意見既人可以好輕鬆
因為受苦既根本就唔係佢地
佢地根本冇企o係受害者既角度諗
講既野一d都唔中肯
到頭黎辛苦既咪又係受害者
呢d人真係好乞人憎.....

心情持續惡劣
已經唔想戴住「開心」既面具去面對人
好辛苦......
明明唔開心仲要格硬笑
都唔知為咩........
如果大家見到我發脾氣
請唔好驚訝.....
我都係人....我會發脾氣.....
阿祐話齋適當既宣洩係o岩ga.....
請由我發癲!!!
由我嗌!!!由我鬧!!!!
見到我唔出聲既時候
請大家體諒我
我可能會無端端喊.....
請大家唔駛驚....
只需要俾一張紙巾我就可以
謝謝大家既體諒
我發完癲就會冇事!!!