今朝真係嚇死我....我隻眼發炎！！我以為係條頭髮插左入去眼白到，點知唔係咁，我點左ｄ消炎眼藥水好左好多

１１：３０ＡＭ就要出發搭車去西貢....好緊張，好耐之前我已經話去，但係等到今日我先去，當然我無自己一個去到啦！我的拍擋孝鋒，俾佢早我一個字去到ＴＩＭ.....

一去到我地就去海灘....我地沿住海旁行，行下行下，迎面有個著住３角底底加球鞋既男人響到跑...我同孝鋒都覺得果個人既ＬＯＯＫ好精彩...佢同我地會有交叉點，個男人竟然響果陣放屁...放屁都算，佢重要放到勁響....哈哈....孝鋒響佢放完之後就問我你聽唔聽到...其實果個男人未跑遠，我地就繼續行...點知個男人又跑返轉頭....佢好快就響我地前面，我地見到佢個屁股條痕，ＬＥＥ個時間佢又好爆笑咁講左句....嘩！！搶包山，笑到傻左

經歷完Ｄ野，我地都繼續我地今次旅程，我地搵左個"舊"石坐....好舒服，一大陣一大陣既風吹過，好正...我同孝鋒就一齊分享...佢講左句野，我自己都好認同，佢話黎到西貢一陣陣透心涼既風吹埋黎，對住個綠綠既海，藍藍既天，感覺好似無秘密可言....

我地有１個鐘頭時間，各自去獨處，我地原本都諗住有時間一齊靈修，我就提意...如果響一陣獨處我地見到大家２次就靈修，２點正就７仔門口等....哈哈...最後都係ＬＥＥ１個鐘內無見過...

我開頭走圍行黎行去行左４個字...就去左碼頭到坐，諗左好多野...當然都得著左好多，叉叉電人都精神

之後我地去左滿記食糖水....好開心，佢送左榴槤班ＣＡＫＥ俾我地食！！呵呵

跟住返左去書院ＲＥ團契.....