六月嘅天氣真係時陰時晴,今日落咗一場好大好大嘅雨,

場雨大到天都黑哂,D樹又擺嚟擺去,個天好似要裂外咁呀!!!

我突然之間好似好鍾意"落雨",原因係:

我覺落雨好似將我心裡面所有唔開心,所有嬲嘅嘢全部洗哂去,

仲有D落雨聲,每次當我唔開心嘅時候,我一聽到D雨聲,

我總係覺得D雨聲好似同緊我講:你唔好唔開心啦!!!要笑呀!!!

如果你要變得堅強,你就唔可以為咗小小嘢就喊!快D笑番啦!

今日傻朱唔可以話係唔開心,只係有D失望姐,

maths果份quiz我明明可以做得好快,

但係其中一條我一路死計爛計,寫到水蛇春咁長,

寫下寫下連我自己都唔知係度寫緊D嘜嘢,

因為今日傻朱做quiz果陣時,一路唸緊其他嘢,搞到做唔到bonus個題,唉...

係宗教堂果陣時,我哋果組要匯報,

原本我以為全班會一齊唱,氣氛會好好,

但係原來嚟D都係傻朱自己嘅幻想,

結束咗匯報之後,仲要比葉小愛寸話:

嚟個係舊曲新詞嘅創作,你哋係咪將舊歌詞改幾個字就當做新歌詞,

如果唔係,點解D歌詞會咁夾首歌???

當時我哋真係唔知好嬲定好笑,好笑嘅係:

如果葉小愛真係咁嘅意思,即係話我哋作嘅詞都OK,都夾首歌,

但係嬲嘅係我哋為咗作嚟首歌詞,我哋唸咗好耐,花咗好多心機,

換嚟嘅竟然係"你哋係咪將舊歌詞改幾個字就當做新歌詞"好失望,

但係之後到咗茶包佢哋匯報時,真係笑死人,

給上帝的情書,變咗做豬流感,好爛呀!

到咗i.s.堂,今日要考實驗考試,結果傻朱答錯咗,

明明係B,我又答C,好采都有3分,唉!!!

傻朱呀!!!你訓醒未呀!!!

到咗英文堂,今日要上3堂英文堂,一個字"悶",

好彩茶包時不時爆下爛gag,唱下歌,我先冇咁悶,

但係miss lee話SCOTCH TAPE係就係解膠紙,但係嚟d膠紙係奶白色,

當我同茶包聽到"奶白色"嘅時候,我哋都笑到趴係度,

但係茶包突然問我:朱皓欣,你有冇奶白色呀???

我當時o哂,我淨係識講你痴線架!!!

其實我當時真係唔係好明咩係奶白色???

之後到咗音樂堂,我同番佢哋三個(NO RAIN,MAY MAY,魚腩)講,

魚腩話茶包講嘅奶白色有兩個可能性,

而且,對於男仔同女仔,就有唔同嘅意思,

但係我就唔方便打出嚟,大家只要往最核突,又帶d色情嘅方向去唸,

如果唸唔到就留言問我啦!!

當我聽完之後,我就想問番茶包:葉浩賢,你又有冇奶白色呀???