今日係新一年第1個星期一返學，今日返到去竟然一個人都冇，平日呢個時間都會有幾個係度，差唔多９：００之後先開始有人返。
上英文堂果時，只係係度玩玩下，阿ｓｉｒ終於都記得我係邊個啦，不過都係因為要收功課先記得，咁如果冇功課既話，佢咪一直都會唔記得我係邊個？
放學果時又見到隻死馬嬲，佢第１時間捉鬼住我，要我同佢坐，為咩要捉住我同佢坐呢，知唔係為左打機囉，個衰仔為左打機成日都想見到我，真係比佢激死。我當然冇話唔會比佢玩啦，反正雙方都唔會話有咩得失，借比佢玩下有咩所謂呢？
佢有佢玩我有我睡覺，返到屯門先知佢換左玩psp，之後我又叫佢新年果時玩返部，到時放學見到面一齊玩下開心下都好呀，佢都認同我意見架。
聽日就要帶人上我屋企做中文果份野啦，不過唔會聽日做唔做得哂呢，不過做唔哂都要頂住上架啦！各位加油！（不過都好似係由我打多，可悲。）
