今日7點15分先起身，原來連阿爸都遲左起身，食完野7點40到，起行去等巴士。返到學校8點50到，時間多多，洗驚佢遲到？成日都冇咩點專心上，不過3堂都有分組活動，um...電腦到應該係冇既。
食完飯等上數學堂果時，去左問winner同琳琳個msn+電話，作為日後分組做野方便之用，上堂果時同winner傾sms，佢話放左學鬥快返屋企，鬥快add人，輸左果個要請食雪糕，真係比佢激鬼死，明知輸硬都仲要同我玩鬥快。
搞下搞下又到左放學時間，佢仲提我記得要同佢鬥快喎，本身自己有野做，要快d快去，仲要玩個鬥快，就更加冇可能輸。返到去開電腦add左佢地先，之後打比樂，等整人起行，去邊？去睇戲囉，今日我地幾個人一齊去睇投名狀，35蚊入場呀，買完"飛"，就去左買野食野飲，買果時因為好肚餓，所以多買左。準時7點30分開場，好大家靜d啦。
睇完場戲，出到黎感覺上都只係一般般，都算過得去啦，成班都話劉德華個造型，真係好唔似古代人，最似就得金城武，呢套野主要內容都只係講兄弟相殺，都冇咩野特別，最離奇就係攻打南京果時，好易就攻完，都冇得睇點攻，講多冇用，最後都係死哂。
|
