今日好快就彈左起身，開返部電腦睇下，掛左一晚既瑪奇，終於都冇彈啦！仲好順唔會話lag機，不過都仲係唔可以咁快開心，要再睇定D先可以決定到。
係巴士度今日比較上多人，冇頭位比我坐，亂坐算數。（喂，小姐，你訓覺唔好訓哂落黎啦。）返到學校，得肥香一個，再過一陣先有人返黎。
中文堂教同音字，比較上混亂，因為唔知寫邊個先岩，人際關係堂，教我地控制時間，原來我都算係一個識控制自己時間既人，不過點都好過有D人唔知時間，所謂睇時間做人呀嘛。
放左學同肥香去左打機，玩左隻佢覺得好恐怖既槍game，但我就完全唔覺得有邊度恐怖，有反應都只係某程度上既反應，玩完一齊去買小丸子食，依加發現原來佢極度怕熱，點一點都叫哂救命，但我點上到只有暖既感覺。
返到屋企，同佢加佢D朋友一齊玩瑪奇。果然，精靈玩近戰系係會嚇到人傻，而我就係嚇到人倰果個，單單一個精靈25lv就有108血，太神奇啦。一直玩一直打，都冇彈過game，睇黎真係完全冇事啦，咁我就可以放心去玩啦。
最近活動多左，錢洗多左，要存存錢啦再，唔係邊度搵錢買禮物比人呢？好累呀最近，都係早返少少訓好D。
|
