今日10點幾醒左，之後就一直係度睇電視，12點幾果時阿爸話要去旺角買野，因為只係少少野所以佢自己一個去左，我就係屋企搞埋瑪奇個結婚先同阿媽出去食野，真係唔明白，為左利益既走去玩結婚，真係有d無聊，為左錢肥香你連呢樣野都諗到，真係服左你啦。
出到吉之島，去左3樓食野，食完野就去左睇下d電話，不過都仲係睇唔岩心水，到低幾時先有岩我心水套色既電話架？之後同阿媽去左買野，我自己拎左野返屋企先，佢就去左洗頭。返到去見到阿爸返左黎，佢係度整緊個魚缸，我就返左入房開電腦，上左武林傾計升lv，之後就去左開瑪奇，同公會d人傾下計，自己就去打下工啦，見有d無聊，就挑戰部腦，雙開！一邊開瑪奇一邊開武林，答案係冇lag到既！係瑪奇度同人打地城，打左個咪打過既高級地城，點知佢原來係最易既高級地城，可惜打打下又彈左，可能係因為雙開關係啦。
果個地城真係好想搵紅佢地一齊打，因為果個地城實在係好易打，就會我彈左game都唔怕佢地會有事。
好~聖誕節改下個背景吧!!
|
