今日11點幾就起左身，之後樂打黎問一陣一唔一齊食野，1點幾到我同樂仲有我爸就一齊去左食日本野。食完野我爸就去左旺角，我同樂就返左上我屋企，兩個人係咁搵野，搵左好多PSP既桌布，又搵左好多歌，本打算幫佢搵，點知自己路過見到岩心水，咪順手下載埋囉，結果佢就圖多，我就歌多。
搵搵下就到左4點幾啦，係時間起行啦，去邊?之前咪講左囉，去沙田同紅仲有漓一齊食飯呀嘛。因為等車耐左所以出到去都6點過D啦。去到沙田搵到紅啦，我同佢都好得意，見到對方，就係度諗係唔係佢呢，都好佢仲記得我個樣，真係好。再等多陣漓就到左啦，3個人起行去搵我地今日食飯既果間野，7樓既「銀座藏人」日本料理，今個星期食左好多次日本野呢。入到去唔知點解間野好少人，我地3個就坐左係最高處。
3個人一齊研究下有咩好食，最後就分開各有各食，d野都幾好味呀，d肉唔會話好硬呀果d，d油都唔錯，我個係咖哩飯，紅係特製牛排飯，漓就要左個炒拉麵飯，兩樣野都有既餐，都幾特別。
食完晚餐，等漓個「豆腐芝士蛋糕」，佢地話個蛋糕喊左d，我就覺得唔係好喊，不過就怪怪地，可能係我唔係咁鐘意食啦。之後就坐左係度打機同傾計，同紅玩賽車，個衰人就係咁走捷徑，不過都發現我同佢都差唔多，漓就得意d，係唔識玩既，結果就話玩發脾氣唔玩，笑鬼死我地。
感覺唔錯，今日係我地幾個相識以黎第2次見面，冇咩分別都係一樣既性格，最多係變多左個打機狂，唔知係唔係因為隔左太耐，同因為第1次見面果時，佢地係著校服啦，感覺上漓好似靚女左(細聲d咪比人聽到呀!!)，算啦反正佢變左咩樣都好，佢地兩個永遠都係我最好既網友，我真係好鐘意佢地兩個人，雖然好多時叫極都冇反應，但係佢地兩個真係好好。
返屋企果時，有種不安感，可能係因為我身處沙田，呢個只比我討厭既地方，就因為呢度我冇左一樣重要既野。不過只要佢地鐘意，去邊都冇所謂，因為我本身性格就係咁大方。
 呢個係我既咖哩飯，個樣都唔錯架。
 紅既特裝牛排飯，好高呀。
 呢個係漓既，d麵飯係隻蛋入面架。
 仲有漓個豆腐芝士蛋糕，下面果d係朱朱力黎架。
|
