今朝一早起身睇電視呀！睇到1:00到阿爸放工返黎，就一齊去左M記食野，食完野阿爸阿媽就去左買野，我就自己返左屋企先，阿媽問我做咩成日返屋企先？玩自閉呀你加下？我心諗，有可能係都唔奇，因為依加已經冇人需要我既存在，再冇人會因為見我唔到以擔憂，倒不如返屋企自己做自己野，玩下psp浪費下時間算啦。
今日上瑪奇，真係討厭，雖然係少左同順暢返，但都係咁彈法，叫我點算好呢？之前同佢傾過計，佢話係瑪奇想打地城又冇人同佢去打，自己打又會狂死，所以覺得好悶唔玩。呢個問題我成日都會有，但從來冇諗過要停止唔再玩，每一次停玩都會再玩返，原因只有一個，瑪奇係我第1眼就鐘意玩既game黎，到目前為止，我再冇見過一隻game，會帶比我第1眼就想玩既感覺，同一見中情一樣，今後可能唔會再有其他game會比到我呢種感覺。當然，我也希望會有這樣的感覺。
