今日9點幾就醒左，之後就一直係度睇動畫，因為我係成套下載，所以下載左好耐，加上本身套動畫好耐下，係難下載d架啦。
睇睇睇，無啦啦有兩個傻人打電話黎，問完我幾時生日之後，又問我記唔記得佢地叫咩名，仲話答中有禮物，完全唔知發現咩事，只係可以半信半疑。
繼續睇睇睇，睇哂成套之後發現2點幾啦，就換衫落街食野，食完野行左去健生睇野，行左一圈就返左屋企，繼續玩三國無雙，又上身啦玩到，打咩關都好，理佢係唔係赤壁之戰呀!!都要清佢全場!!爽呀。
瑪奇終於改左版啦，不過因為太多人更新，所以今日都一直等佢更新，完全冇玩過，只好繼續psp啦。真係好想有人同我玩呀...可惜一直都搵唔到幾多個...唉...
最近晚晚都好討厭，發夢都唔知點解會見到佢，仲要醒返果時嚇親，真係好想搵人幫下我，點幫?搵咩人幫?當然係搵個另一個女生重新開始啦。不過...都冇咩可能架啦...以我呢種人...有邊個會鐘意先得架...
