今日好凍呀......不過都只係朝早有d凍o者。今日中文同人際都要做報告，不過就冇我份，不過琳琳同可惡小肥豬就有份，呵呵呵呵。
中文報告到左最後一組果時，有條友扮哂野咁叫我地比幾分鐘時間佢，專心聽佢講野，當然冇咩人會理佢啦，鬼得聞理個死自大狂，條友叫人比返面佢，聽佢地講野，我其實當時有ｄ想同佢講，「你唔好理人，理好你自己先。」因為佢由開始果一該就食緊香口塑，仲話叫人比下面聽佢講野，叫佢跳樓死啦，上堂食野就已經係唔比人老師啦，仲係度扮哂專業扮哂勁咁，真係呀，邐佢都唔好諗呀。
人際果時聽ｄ人報告，先發現好似留左少少野，不過就更加發現！隻可惡小肥仔有一部份跟足哂湶果份野！你死啦你！仲唔比我地捉到你！（人黎！捉佢出去斬！）
返到黎去左食ｍ記，之後慢慢行返屋企，返到去開電腦，同公會人打左一場巴里初級地下城，好鬼易打呀。之後樂黎左，佢係咁搵點解佢有ｄ game玩唔到，搞黎搞去，搞左勁得耐先知道，原來係版本問題，佢版本太舊，所以有ｄ新既game就會玩唔到，以我就因為係遲過佢買，所以版本比較上新，算啦，聽日先去搵人幫手更新版本啦，自己唔多識既野都係比人整會好ｄ。
早前公會有人問我「迎霜在那？好久沒見到他了。」，我只係答左佢唔再打算玩，會唔會再返黎玩呢樣野我更加唔知，睇黎公會人真係會掛住公會入面既朋友，我諗不竟都係一場相識，問問情況人知常情呀。雖然我都想佢再返黎玩，不過我諗多數唔會再黎架啦。
今日終於都拎到個新稱號啦，一級航海士，要坐船搵我啦！不過我唔擔保你會唔會掉落河架喎！呵呵呵呵！！
|
