11:30就起左身，之後睇陣電視12:00到就同阿爸去左食野。
食完野返到屋企，再睇陣電視玩陣psp，2:20到就出左門口，坐輕鐵去左三聖搵樂。
佢3:00收工，所以等左一陣就走得，之後行左去智樂，同佢一齊去搵人幫手幫部psp升級，太耐啦，再唔升級黎緊既２月同３月點試新game呀？２∼３月有好多新game既出呀，有psp既朋友有冇去更新升級呀？冇就快手ｄ升級啦，呢次更新係完美版黎，有新支援更改主題，都算係唔錯既新系統黎。
夜晚食完飯就繼續聽新歌，好滿足有唔錯既收穫，有２５首新歌聽，首首歌都唔錯，下次樂上黎比佢聽下先。psp果度更新左有d game可以玩返，但聽講有d game個記錄會開唔到出黎，不過好彩我冇問題，我玩果ｄ都冇話開唔到，不過就算開唔到都唔緊要，再玩過都係一樣得既o者。
