今日中文同人際傳意技巧都要做個人報告，但因為中文我仲咪準備好，所以要遲ｄ先可以出去講，咁岩ｍｉｓｓ抽到我學號，一直聽其他人講，一直諗自己講咩好，最後都係決定講，我係中一至中三果時既自己。以為要下堂先講得，點知就即刻抽到我，報告完之後ｍｉｓｓ就話落堂，因為要做問卷調查，就咁變左係今日最後一個講既人。
人際傳意果時，我又一次成為最後一個報告既人，開頭坐度有ｄ驚驚地，但之後出到去都唔會覺得驚，驚只係因為怕自己做得不好，但結果係我用多左好多時間，看來又不知會被扣多少分了。
之後放學果時，因為打算做中文的文字報告，所以她地上左我屋企，係坐小巴果陣，一架車內有１５個人，都係我地自己班既人，可惜差１個，唔係就夠１６人包車啦。
返到黎去左食ｍ記，個肥香成鬼日係度扮可愛，真係遲早殺死佢。食完ｍ記返我屋企，搞左一大龍，都係咩都冇做。結果，佢兩個開我ｍｓｎ黎玩野，決要玩死我身份地位，真係好笑。
６：００到佢地走左，就到樂同佢細路落黎，又開３部機玩ｃｓ，同琴日一樣，３個打１０個，最後玩新場，結果係輸哂，只係贏到一場，果個仲要係用腦先贏到。贏就贏一場，輸就輸２ｘ場，慘囉。
夜晚食完飯就一直同ＥＴ玩幻想校園，但我有幾次差少少就訓著左，因為有自動戰鬥系統關係，同埋係用回合制模式，我多數會打打下停左，原因係太累訓著左。
真係有時覺得，佢兩個上黎，會開心好多，至少係果一刻我唔係自己一個人，獨自一個人係屋企有何意義。
|
