今日唔知幾點果時比個sms嘈醒左，睇下係邊個，原來係果隻死人可惡又可怕既小肥豬ｓｄ黎，佢同我講佢起左身啦，我就諗起，係喎！我同佢鬥下邊個起身先架喎！咁就慘啦，要比人當奴隸咁玩啦！天呀，搵人救救我呀！
１２點幾果時上左去樂屋企，佢今日放假所以打算一齊食飯，上左去佢度打左陣機，佢叫我同佢對打高達seed，吓！你唔係呀嘛！明屈我機o者想！點知...我贏左佢好多場，佢就只係贏左我２場，依！我明明係好少玩既點解會贏到架？算啦贏左就算啦，咩都唔理啦都係。
食完飯上左我度，我狂搵d cs場黎玩，總算搵到ｄ岩心水又好玩既場，之後佢細路都落左黎，又開始我地既３人戰鬥，３打１０死得仲慘，因為新場關係，比ｄ電腦打游擊打死左，好似唔係游擊，係啦！係突擊，總知就死好多啦。
夜晚果陣，同果個可惡既小肥豬傾ｍｓｎ，傾傾下傾到去男女朋友關係，仲要我主動去追求他人，又話叫我去追ｄ鐘意我既女仔，但我呢個人都會有人鐘意我咩，如果真係有既話，我會即刻去搵佢，但都冇咩可能。
|
