今日起身果時睇左一陣電視，之後阿媽出左去，佢約左阿婆佢地，之後開電腦，阿婆無啦啦打左黎，問阿媽係邊，我話出左去，佢就即刻收左線，所以話呢，我係極度唔鐘意阿婆，又煩又白痴，成日問我ｄ冇可能既問題，煩少陣啦，成日咁興奮小心糖尿病發作！（好似唔會發作架喎...）
過左一陣有人搵我玩３小俠，仲比左１５分鐘時間我安裝返好，好開心我用左１０分鐘安裝好＋更新好呀！快呢？邊個搵我玩３小？我諗多數只有一個人會，佢就係嵐，佢搵我陪佢打，但我上去果時好震，個身好震，點解震？原因係我好凍又好驚，驚咩野？其實我有時上３小會好驚，因為好驚唔求人打會連累人。
夜晚同阿爸去左吉之島食飯，去左食壽司，食完之後去左買野，買左個新電話，你地估下係咩型號，不過估中冇禮物。
