今日原先係9:18分醒左既，不過因為太累所以打算訓多陣，個鐘響我禁熄左個鐘之後，迅間又訓著左，訓訓下醒左一下，睇下幾點原來係１０點幾，之後又一次訓著左，最後我起身既時間係2:45分，真係亂黎，仲話要睇電視，加下真係咩都唔洗睇囉。
起身洗面換衫，之後就同阿媽去左市中心。去左３樓果間日本料理度食，叫左個滑蛋吉列豬排烏冬，個烏冬只有一個，所以睇落去得好少野，可惜食落口既豬排唔夠靚，唔係既話都會幾好味。
食完野之後就去左買新鞋，買完鞋再去買糖，買左２７蚊糖呀，好味道呢。之後阿媽去左買菜，我就係百佳出面等佢。等佢既期間見到下面有架車停泊左係路邊，但佢一停就阻塞左成條車龍，結果搞到後面架貨車落唔到貨。搞左好耐架車ｄ先整人開車走，架貨車終於可以落貨啦。
買左好多野呀，因為阿媽要去街市買野，所以我自己拎哂ｄ野返屋企先，返到屋企放好哂ｄ野，睇陣電視，之後就再傾陣ｍｓｎ就去沖涼，沖完涼開飯，今晚買左壽司，不過只係幾件o者，食完飯打左陣nds就比隻ET叫左去玩幻想校園，衰人迫我解任務，幾經辛苦終於比我解完哂，到佢帶我升ｌｖ啦，佢有佢帶我有我掛，邊掛邊傾計，都算唔錯，仲收左兩個女仔入公會，真係搞笑，次次都係收女仔入會既，不過要問就要問ET點解次次都收D女仔入隊伍再比我收入公會啦。
|
