今日終於係朝早起左身啦，洗完面就一直睇下電視啦，因為今日姑媽打算一齊出去食飯，話朝早去，所以我早左起身。一直睇一直等，最後都係由我地打比佢地會好ｄ，最後得知原來係１點∼２點先去食，我突然諗起，姑媽既朝早係同我地唔同，佢地既朝早係比我地遲好多，係兩個唔同既朝早答呀！
最後我地決定掃掃屋企，我就清潔返我自己間房，由１２點幾開始清，去到１點幾果時終於都叫我地落去，落到去都冇咩好食，只不過係飲茶o者。大約食到３點幾到就返屋企啦，返到屋企，睇左陣電視，之後再去清潔，清下玩下傾下msn，終於係食飯前洗完哂，清潔清咁耐原因係，我將模型分左體，清潔完就再將佢地用唔同既姿態放好，不過有幾個就冇咩大改變。
夜晚果時一直係度玩幻想校園，邊玩邊傾msn，今日真係好似好多人同我傾計咁呀，所以呢個晚夜唔會悶啦。
