今日數學考試呀，冇溫過同埋本身都唔明佢講咩，所以咩都唔識，呢次可能要黎個首創０分。唉，講真呀，我由小學到依加數字考試都咪試過合格，就算真係識都係差幾分先合格，但我又唔係唔鐘意數學喎，真係麻煩。
好急好急，一放左學就飛奔去坐小巴返葵芳，好彩既係一去到巴士站就有車上，間車都開得好快下，算係夠時間返到去市中心。咩野咁急？係因為我地約左今日睇戲，我地５個人去左睇「長江七號」，好好睇架，又好笑喎，總算冇揀錯戲睇，果隻「七仔」（外星人）好得意呀，成隻狗仔咁，好鬼可愛呀！大家都快ｄ去睇啦！唔錯架！
睇完戲就去搵野食，不過我同樂決定左返健生食，都係果度，日本料理，條友食上腦唔關我事。返去之前我地４個人行左一陣，最後２個２個咁分開行，２個去左西鐵站，我同樂就去左坐輕鐵返健生，食完野返屋企，不過因為樂唔洗返工，所以上左黎我度，又係玩aoc，打左一場之後樂就要走啦，個傻仔仲同我講要打通霄機，我冇所謂呀，問題係佢o者，玩左一半時間到，佢阿媽打黎問佢幾時返去，所以一打完佢就要即刻走人啦。
今日既活動都唔錯，難得既係有人竟然會係夜晚上我屋企打機，真係一千零一次呀，因為好多時都係因為要返學，所以冇機會比佢地咁做，就算係上都唔係上我度，因為我冇ps2，唔夠高級，所以係好少會有機會有人上黎，唔知下次仲有冇ｄ咁既機會呢？如果有既，真係好想試下同佢地玩通霄。
|
