琴日睇完戲打完aoc之後都仲咪訓，坐左係度玩psp，玩到3:30先去訓，不過今朝就１０點幾起身。之後樂就落左黎，琴日講好左今日再打過，所以佢食完野就落左黎我度。
佢再一次要同我打，當然我地係慢慢黎，呢次玩得仲慢，其實都只係玩左2個鐘到，一場戰爭打左2個鐘。樂同我講佢再一次比我嚇親，佢估唔到既係我唔係門口殺入佢主城，反而係係旁邊打開一條路，完全唔要命緊硬頂入去。當然啦，佢門口咁多野，行正門找死咩，加上我本身係冇打算會攻得入去，都出乎意料之外。
夜晚７：００到，去左寶田食飯，團年飯呀，食到８點幾到，就比錢返屋企啦，返到屋企當然係第１時間去搶位啦，搶位沖涼呀嘛，沖完涼上幻想，又比ET捉左，之後就一直打一直升LV，我就順手試psp新下載既game，都唔錯，不過主打都係公主同盟，之前下載完都咪玩，真係好好玩架！有難度呀。
