今朝9:00就起左身，之後呆一陣就去左洗頭洗面，10:00出門口，去到屯門公共圖書館，等左一陣間，果兩位小姐就黎到啦，我地今日出黎目的的要做埋份中文，不過我覺得自己好衰呀，因為做最多既係果兩個女仔，我都只係做左好少部份，要搵野補償下先得啦。
因為要早ｄ出門口，所以我朝早冇食到野就出左去，加上琴晚3:30先訓，所以好餓加好眼訓，不過只要閉一閉目幾分鐘就會醒返哂。因為圖書館既關係，佢地係做野果時只能細細聲講野，但都係煩到周圍既人，係佢地後面既小姐，真係唔開心到要坐開兩個位。最後因為借用電腦既時間到左，所以被迫要閃人，上左去１樓再借電腦，但因為得兩個位，所以我只好係出面等佢地。周圍行既時候明顯見到好多學生妹係度做功課，一睇就知係閱讀報告啦。
下午2點幾左右，總算完成哂手上既野，之後我地３個就去左食下午茶，但其實係我既早餐。去左一間新開但不知名既餐廳食，金錢上唔係太貴，太ｄ食物就一般般啦，又可能係因為我食野要求高左，不過都係算啦，反正都食左落肚，唔理咁多啦。
返到屋企，樂過左陣之後就黎左我度，當然佢又要同我對打啦，呢次呢場對戰打左好耐好耐，佢又再一次比我驚倒，因為又係果招「出奇不已」我諗冇打錯掛，雖然打得比較累，但都係贏左，佢開始越黎越勁啦，好難攻得入佢主城，不過有可能係因為場地問題，係第１次攻擊既時候，佢竟然係我主城後面偷襲，但好彩我守得快，反而係反咬佢一口，成功解決偷襲一戰。
夜晚果時繼續努力整好份書面報告，都整左好耐下呀，最後終於都整好哂汁到好好睇睇，列印出來吧！！唔...印出黎既效果都唔錯，希望會拎高ｄ分啦。
|
