情人節快樂！不過我唔快樂（哭喪中．．．）。
今日係我新年後第１日返學，好正呀今日！今日一早返到學校，同湶兩個係度等，之後慢慢有幾個人返左黎，開頭真係以為得我地６個人，之後又有ｄ人返黎，最後都有１３∼１４個人返左黎。
中文堂果時得１３個人，ｍｉｓｓ同我地講左少少野之後就放休息，休息感覺上長左，不過是但啦，之後ｍｉｓｓ同我地講落堂，我地幾個都嚇親，因為果時只係１０：５５分，１１點都咪到就落堂，真係比你玩死。不過都冇計啦，得咁少人，仲上咩鬼堂呀，比ｍｉｓｓ休息下算啦。
人際關係果堂都只係得１５∼１７人到，但因為咁所以方便左我地，今日我地離開課室出去做活動，不過係文靜ｄ既活動，內容係諗下過去呢４個月，我地做過ｄ咩野。因為好後先到我講，我無無聊聊將條ｍｉｓｓ比我地既繩，整左一個４字出黎，呢個４都代表左我比自己係呢４個月既分數。咪問我點整個４字出黎啦。
返到黎食完個ｍ記，就返屋企啦，返到屋企，冇野好做，只好同人傾下ｍｓｎ啦，我都係比較鐘意有人同我傾計，打機？一陣先啦。
|
