琴日3:00果時出左去同人聚會，有位網友由美國返左黎，所以我地就約左出黎見下面，傾下計開心下。
由佢去左果邊開始，我地都見左兩次面啦，一年一次既見面，都幾好玩幾玩心呀。
不過佢大小姐兩次都遲到，結果就比我同另一個網友玩。
同上次一樣都只係有我地３個人少左一個人呢，今次去左旺角，上左去一間野度坐，
不過如果唔係佢地帶我去既話，我真係唔知有間咁既野係度，
上面好得意架，好多史路比係度呀，好多公仔同其他角色既裝飾品。
呢日就咁係果度坐左半日，一直係度傾計囉，傾完就打陣機，之後又傾下計，都唔錯呀，
哎呀！唔記得影埋個環境比大家睇下。
下面係我地既晚餐呀，估唔到件野細細地都別飽，唔可以睇少ｄ意粉。
左：漓 右上：紅 右下：我 （紅果件係純芝士蛋糕，但因為冇咩特別所以冇影）
女網友（漓）既士多啤梨芝士蛋糕
我個芒果芝士蛋糕
我地既晚餐之一，係用意粉整架，都幾好味架。
