最近兩日都冇開過電腦，因為我爸係前日買左部ps2返黎，所以一直係度試game，真係玩到眼花花。
不過其實佢依加先黎買就係冇咩意義，因為好快就唔會點出game，對ps2又愛又恨，都唔知點解釋好。
以前ps2出左果時，我有叫過阿爸買，但佢話冇錢好貴，所以決定唔買，但依加就因為換左個新既電視機，所以心郁郁想買，結果就係佢真係買左返黎。
琴日成日都唔係屋企，放左學之後就要出去食飯，去到調景嶺都差唔多７點。因為表姐個女滿左月，所以就成班出黎食飯，個ｂ女因為阿媽唔改口，所以個面好多紅點，不過都唔會影響到佢成長既。
就係呢位小朋友啦，佢有少少呆呆地，可能係因為比人影相太多，閃光燈閃到佢頭暈暈（簡稱：同中左閃光彈一樣）
