今日係人際傳意科既最後一堂，因為提早左上堂既時間，所以今日都係９：３０返學。
今日放左學就坐巴士返屋企，先去左吉之島拎新眼睛，之後就行左去三聖食野。
去到三聖本身打算拎錢先再去食野，但點知係拎錢果時，有位太太係我背後彈左出黎，我仲以為佢趕時間啦。點知原來唔係，佢問我有冇見到係部提款機度有４００蚊，正常都會答冇啦，唔通話自己拎左咩。
但咁就出事，果位太太覺得係我拎左，所以叫我留留步，之後佢同佢老公搵左陣，都唔見有個４００蚊，就決定””報警””！
１５分鐘後警察到場，講左陣野就先搜一次身，之後個阿ｓｉｒ行左去同ｄ伙計一齊問問野先。過左陣又返黎，又搜一次身，但睇我出個阿ｓｉｒ有少少唔耐煩。
就咁我就一直等，企係度等左成個鐘，終於肯放棄唔再講落去，決定等銀行錄影機作證據。
結果今日我就咁無無聊聊呆企左一個鐘。
