今日瞓到好晏至起身呀~

瞓醒見到靖靖媽比平時早左返黎,

原來係因為靖靖媽係公司又痾又嘔,

太唔舒服,

所以早左返黎休息!

【靖靖媽病左心痛死我la~ >3<】

君霖起身又同我講唔知做乜肚痛,

好驚呀!

我li個病魔冇事,

反而最錫我果d病晒~

點算好呀!!

唯有比你地瞓耐d休息下la~

靖靖媽同君霖瞓到５,６點至起身~

見靖靖媽冇咁唔舒服,

我地成屋人一齊去左藍田百佳幫屋企入貨,

行去搭地鐵果陣君霖話有d肚餓買d野食,

跟住靖靖媽話我知li檔野係我地細個成日食雞翼果檔,

咁都比我地食得返wo~

靖靖媽話d味道同以前冇變過,

不過買既人就變左好多lu~

個個都大個晒lu~

我地入到百佳,

冇lala有d唔知乜抽獎,

又冇lala冇d唔知乜既６個月意外保障計劃for返比君霖同我,

我又冇lala爆左句咁佢又知我受益人係邊個?

跟住媽mi叫我記住受益人寫佢,

我就同君霖講記住受益人寫我lo~

我地提議左３個月內令君霖出意外,

我就好彩d ６個月內出意外,

長命過君霖小小~

哈~

li d緊係笑話黎ka la~

我地又點會為左份唔知會賠幾多既保障計劃,

白白要自己做兇手咁on居ka~

講完li個話題我地就係百佳開始勁入貨,

唔知仲以為我地閉關tim呀!

我地完全唔多睇價錢,

鍾意就放上架手推車度,

我直頭買到唔識停咁滯,

埋單我地一共買左$７１９.２!

屋企人就唔係多,

不過買野就好多,

我地都買到上倉咁lo~

女人買起野上黎,

有時真係會失控架!

連出名慳家既靖靖媽都有小小失控呀!

跟住都仲未完,

仲要落埋apm繼續sopping,

首先經過書局,

我同靖靖媽都各買左２本書,

之後就落紅蘿蔔買零食比亞b,

同我秀茂坪果２隻寶貝狗,

亞b你睇靖靖媽幾錫你呀,

病都記得買野比你食,

氹你開心呀!

做狗真係幸福呀!

跟住約埋亞邦係apm食飯!

食完飯就搭的士返屋企,

返到屋企我睇左陣書就瞓著左lu~

不過唔知做咩呢?

瞓到２點幾肚痛醒左lo~