今日家教會搞左個“金豬賀歲show一show”
我啦，林晞昕啦，熊韻瑤啦同何彩娟都有份表演.....
係抽獎既時候，stephanie既媽咪中左獎呀...原來stephanie講既野係真嫁....就係“我媽咪好有抽獎運嫁....”
不過，我都有中...安慰獎丫嘛....
我地三個等到抽完獎之後，就同徐老師、adrian去左M記食野....
我地嗌左5個餐....有脆香雞啦..麥樂雞啦同脆香雞腿包餐......全部都係徐老師比錢嫁..
係食野既時候，我地仲講左好多笑料tim.....搞到徐老師同adrian笑到肚痛....
我地坐到7點左右就走lu.....徐老師同adrian送我地呢3隻野返屋企....
送左熊韻瑤之後，徐老師就話“你地好似一個東一個西嫁播...”我答佢話係..
跟住徐老師又問“咁點算呀？？”我又答“一人送一個囉...”
因為我驚林晞昕會要徐老師..所以我講左一句“我唔啃呢個(adrian)嫁...”
點知我又搞到林晞昕狂笑......
不過，最後都係佢兩個一齊送...佢地梗係送左我呢個靚女先至送林晞昕啦....
係送我返屋企既時，我又搞到佢地係到笑啦...因為之前徐老師話要打對講機比媽咪先可以上
去...我問佢係唔係一定要媽咪聽先得...跟住佢話係....跟住我到左樓下...打左上去，係我二
哥聽，之後我叫佢嗌媽媽聽...係媽媽聽之前，徐老師話你話比二哥聽未得囉...跟住佢地又係到
狂笑，搞到我都笑埋一份...
唉...今日真係好肚痛呀....
|
