   
馬田泰萊係暴力般斯文仔
今次事件主角之一伯明翰中堅馬田泰萊，剛剛先在球隊搶到正選位，但除左要面臨停賽，仲畀阿仙奴領隊雲格鬧到狗血淋頭，話佢係殺人兇手，應該終身停賽。不過熟悉佢既兩位領隊布魯士同麥利殊不約而同為佢講好話，讚佢係正人君子，唔係蓄意傷害伊度亞度達施華。
出身於「暴力般」既馬田泰萊，曾入選英格蘭廿一歲以下國家隊，同泰利、京治同期，但任後備居多。佢身材高大，可惜前布力般領隊桑拿士曾批評過佢太過錫身，踢法太斯文，估唔到幾年後馬田泰萊卻成為「殺人王」，畀人話佢踢茅波。
伯明翰領隊麥利殊表示：「馬田泰萊一向唔踢茅波，佢呢次攔截絕非故意，只係出腳慢左。佢事後在更衣室都好後悔，佢同全隊隊友都向達施華致以深切慰問，希望佢盡快康復。」
雲格事後都話自己一時「火遮眼」，先會咁衝動鬧馬田泰萊，相信馬田泰萊今次事件都會得到球圈中人原諒。
佢都係冇心既...我就都幾希望佢傷!!!
因為我唔Like阿仙奴同克羅地亞...
不過我都希望佢快D好返!!!
|
