今日7:10am起左身!
執好嘢返一返學校攞返封民安隊通知書!
之後飛的去民安隊總部!
去到報返名,之後上咗3樓開個簡介會!
完咗簡介會去做心律及血壓測試!
哈.....我做一次就pass咗(呢一pass都有唔少人唔pass,走咗)
做完去操場做職能及體能測試!
第1樣做-摸擬搶救抬床(衹要夠163cm嘅都好易做)
第2個-摸擬撲救山火~要揹着個20公斤嘅水袋行上三層,落返地面(都幾難,個水袋又重,落樓稊又易跌倒)
第3個-摸擬高空工作-超簡單(衹係想睇投考者有冇畏高)
第4個-掌上壓~超難(同平時做嗰啲差好遠,隻手一定要90度,身又要直,如果唔係個啊sir唔計你有做過)
第5個-仰臥起坐~一半難度(難度在於要好正確)
第6個-組合跳~超級容易>.<
第7個-跑2400米~最難(但時間好充足,但真係要平時練開,否則跑唔夠一半己經80%冇氣)
職能及體能測試8個人否左3個!!!!!
做完哂,休息一陣就去考中,英文筆試!
中文筆試~聽段嘢,之後再答問題(好考聽覺,同留心度)
英文筆試~首先睇篇大概成1000字嘅文,之後再答啲MC題(呢一pass比我想像中容易,好簡單)
完哂筆試!就去面試(最後一關)
面試個啊sir好好人!
問啲問題通常係:1.你嘅工作會影響民安隊執勤?
2.係你對民安隊嘅認識?
3.你平時喜歡嘅活動?
4.喺你有咩技能?
5.點解要加入民安隊?
雖然我每一部份都pass到,但民安隊成1500幾人面試!
衹係收總分數排命喺頭250個人....
希望3月尾收到封信喺入到啦^^
不過入到一定破產(要請班fd食飯>.<)
哈....多謝提子嘅祝福!我先咁有氣力考每一部份^^
|
