好,上回講到我3點鐘訓左,到左今日,我唔知點解7點幾就起左身,落到樓,一個人都冇

之後就刷牙洗面喇~之後我就係度睇電視喇,睇睇下,叔婆返左黎

問我食唔食野,我話食"跟住佢就煮左d唔知咩麵我食喇,食完之後~咦,電視冇得睇既

點知原來停電~停電?!死啦死啦,咩都冇得做=口=

跟住我食完野,坐係度,等我呀哥起身一齊去搵媽咪

坐左好鬼耐,佢先起身,佢刷完牙之後就一齊去搵呀媽啦

去到個度,點知佢地琴晚冇訓呀,成晚係度打麻雀=口=

我地就話佢地傻,係度講"媽咪,琴晚我訓得好林呀~"哈~之後等左佢地一陣,佢地就打完,跟住去飲茶

我叫一籠包,我呀爸叫多三籠,搞到佢比呀叔鬧,話"呀哥,前世未食過包呀?笑到我死~

食哂d野,之後好飽,佢地就話走lu~佢地話要返屋企訓覺,叫我地跟姑姐(我有好多姑姐)去佢屋企坐下

坐左一陣我姑姐叫個表哥帶我呀哥去買鞋(又買)我就唯有跟埋去啦,如果唔係就要留係個度悶=w=+

買左好多好多間鋪,我呀哥都唔岩,最後一隻鞋都買唔到=3="唉

跟住又去叔婆屋企=3="去到我姑姐同佢個兩個同事係度傾計

等左一陣佢地先傾完,咁我呀哥又話要姑姐陪佢去買鞋(第四次!!)咁我今次就唔去啦,好眼訓

點知佢地走左好耐我先知,訓極都訓唔著= =跟住我就坐係個門口度等喇

等左好耐我叔婆返黎,佢話帶我出去行下,點知去睇佢玩啤牌= =

悶左很久.佢先閃人去買送= =

買完野返去,呀哥終於買完鞋了= =終於唔使再陪佢去了

呀叔婆就去煮野啦..食食下有返電lu終於,等左好耐lu,睇陰陽大戰記

睇完岩岩好食完,抖左一陣就齊齊走返返去伯娘家了

去到個度,佢地食緊飯,食完之後佢地話係度玩一陣,一路玩一路等夠鐘

之後伯娘就話帶我地上天台睇哂成個城市

行樓梯行都我死死下,上到去要抖一陣先睇=w=

係上面望落去好恐怖丫"我姑姐講

之後我就係佢後面嚇一嚇佢,佢即刻彈起左,我地玩左好耐先落返去,再傾左一陣計就搭車返香港lu~

返到屋企12點幾,我地7點幾走= =

攰到我死,一樣功課都未做,咁我就做哂佢,做完都已經2點幾lu= =