其實我真係好驚..

真係好驚番唔到黎..

我知好多人支持我..

不過真係好大壓力..

升到上f.5..

好多老師都話..比d心機啦..最後一屆..

(以下純粹個人意見)

我明白老師既緊張..我都明白學校有好多野支援我地..

不過..有一種無形既壓力產生左..可能又人話..

依家米考驗緊你既AQ囉..我明有d過來人會咁講..

不過佢地唔係最後一屆..我地係無得repeat家..

之前個d係有家..我地競爭係好大..真係好驚番唔到黎...

可能有人會話..可以去第二間姐..我知可以..不過..一間生活左五年既學校..

唔多唔少都有感情..我唔否認其他學校可能好過kyc..不過我認為我有感情係kyc囉..

點都好..我都想番黎..

有人可能睇到哩度會話..你重用電腦..溫書啦..

我知我冇時間..不過我想講我既說話出黎..

一來可能舒緩下壓力..二來可以比d低form知道..

高中並唔係咁容易讀家..要讀到就要係中一至中三打好個基礎..

了解我既朋友..就會知我點解成日叫佢地讀好d書..

我真係好後悔低form個陣唔比心機去讀..

上到黎真係好辛苦..

我成績唔係好..哩點我知..可能有人會講..你都冇資格咁講野..

係..我係冇咁既資格..但我有咁既經歷..

如果你地唔想好似我咁後悔既話..就一定要比d心機丫..

唔好第日走左先黎後悔丫..