今日十一點幾起咗身,食咗D野,點知發覺魚缸D魚死浄兩條,勁o嘴,琴晚仲好生猛

一點幾同成班朋友去海堤打羽毛球,打得好開心

四點半返逸東打波,去到排球場同可譽班排球隊打波,感覺幾好

打到六點幾,有班細路踼咗我地個波出馬路,我一個大腳,踢咗佢地個波落街,呵呵.............

聽日要練波,加油呀!怡中

今日上英文堂果陣又訓着咗,唔得我唔可以變第二個許婷架,許婷←整個學期也在訓

英文堂完咗,跟住小息後就係我最仲意架體育堂,

有兩堂體育堂,第一堂做張關於北京奧運既問卷,做完問卷,呀sir叫班男仔拎住個雪糕筒扮聖火跑圈,勁kai

第二堂我地女仔要圍住個籃球場跑九分鐘,我跑咗二十四個圈,全班第一,呵呵............

跟住小完息就上科學堂同人文堂,成堂都係到食野,老師唔發覺

跟住上中文堂聽MP3,正

放學練籃球,打個小型比賽,勁好笑,之後去排球場,幫呀燕按摩,其實我自己都好攰

聽日放假,好野