今日要去葵芳練波,好彩今日唔係好攰姐

因為落毛毛雨又冇太陽,正......

踢到十點半走,大約十一半點返到屋企

返到屋企第一時間沖涼,沖完涼食野

之後就開始打野啦,二點半打到四點,好攰呀

睇咗一陣電視,六點落去打波,但好大風打唔到

呀屎差D打中條友,條低B仔以為佢係故意,好心佢啦

唔想俾人打中就唔好坐果到啦,之後佢個fd拎咗個足球落嚟

條低B仔睇住我地嚟射,頂...冇力度冇角度,唔知踢去邊度

七點佢地走,我返我 呀燕 淑lin 呀冰 黃麗娟,打到七點九走人

返到屋企又要煮飯,不過煮嚟煮去到係意粉或者煮D好簡單既餸

今日好攰呀,其實呢個禮拜都好攰,因為一係返跆拳一係練波

聽日要去跆拳,唉......      唔想起身呀

今日同早恩返跆拳道,今日呀sir冇返...嘻嘻

冇人理,有得玩...

完咗跆拳道陪佢去接細佬,之後去M記買雪糕

行返屋企,超熱

返到屋企換衫,落去買野,返到嚟又開始工作,抄抄抄

抄抄下好攰,一邊上網睇戲一邊抄,所以D字超樣衰

四點抄完,去咗富東搵淑lin,順便搵下穌哥

五點半返排球場打波,點知又整親條腰,痛痛痛

七點過去街市搵呀媽,返屋企幫佢睇火,佢落去睇醫生

八點換衫去富東,唔知邊間幼稚園裹面果個教會搞活動

又有得唱k又有得打機,但果度超嘈,因為D人唱k唱到超大聲

過咗一陣要玩遊戲,我 早恩 lin入咗廁所避

九點半走人,返到逸東差唔多十點,即刻跑去排球場

打咗一陣就走,因為我要十點十五分返到屋企

點知打到十點十五分,跟住跑返屋企,用咗三分鐘

等[鎳]個陣個呀叔望住我,因為我好似岩岩俾人追殺咁

好彩我返到屋企二十分,呀媽冇出嚟,我諗佢應該食咗藥訓咗

真好彩,跟住去沖涼,因為出哂汗,沖完野

聽日要去練波,六點半起身,唉...

我諗我起唔到身,因為我教到個鬧鐘我都係聽唔到

不過有呀媽呢個人肉鬧鐘一定叫得醒我